АҚШ Ҳарбий-ҳаво кучларига тегишли самолёт Ўрта Ер денгизида ҳалокатга учради. Бу ҳақда мамлакат Қуролли Кучлари Европа қўмондлиги маълум қилди.
Ҳарбийларнинг маълумотларига кўра, авария 10 ноябрь кечаси машғулот парвози вақтида содир бўлган.
Ҳозирда кўнгилсиз ҳодисанинг келиб чиқиш сабаблари аниқланмоқда. “Аммо бир нарса аниқки, самолёт фақат машғулот мақсадида ҳавога кўтарилган ва ҳеч қанақа душманлик ҳаракатларининг белгилари йўқ”, — дейилади Америка қўмондонлиги баёнотида.
Қайд этилишича, самолётнинг қулаши оқибатида беш нафар америкалик ҳарбий хизматчи ҳалок бўлган.
Пентагон октябрь ойида ўз ҳарбийларининг катта қисмини Ўрта Ер денгизига жойлаштиришни бошлади. Яқин Шарққа Американинг иккита ҳужумкор авиаташувчилари — USS Gerald R.Ford ҳамда USS Dwight D. етиб борган. Бундан ташқари, минтақага қўшимча 300 нафар америкалик ҳарбий юборилган.
Изоҳ (0)