Ўзбекистоннинг АҚШдаги элчиси Фурқат Сиддиқов ўриндошлик асосида Ўзбекистоннинг Канададаги элчиси этиб тайинланди. Бу ҳақда “Дунё” АА хабар берди.
![](/static/2023/Nigora/2023-03-01 19.12.10.jpg)
Фурқат Сиддиқов 2023 йилнинг апрелидан Ўзбекистоннинг АҚШдаги элчиси сифатида фаолиятини бошлаганди. Август ойида ўриндошлик асосида Ўзбекистоннинг Бразилиядаги элчиси этиб тайинланди.
У 2015—2020 йилларда Ўзбекистоннинг Покистондаги фавқулодда ва мухтор элчиси, 2020—2022 йилларда ташқи ишлар вазирининг ўринбосари лавозимларида фаолият юритган. У 2022 йилнинг 14 ноябридан бери ташқи ишлар вазирининг биринчи ўринбосари вазифасида ишлаган.