Португалия полицияси мамлакат бош вазири Антонио Костанинг расмий қароргоҳини тинтув қилиш учун келди. У ерда прокуратура органлари билан ҳамкорликда коррупция ҳолатлари юзасидан тергов ҳаракатлари олиб борилмоқда. Бу ҳақда El Mundo хабар қилди.
Терговчилар ўз эътиборини Португалия шимолидаги литийни қидириш ишлари ва Синешдаги яшил водород бўйича мегалойиҳаларга қаратишди. Бош вазир администрацияси амалдорлари бу лойиҳаларни амалга оширишга рухсат бериш учун бир қатор компаниялардан турли моддий манфаат олишда гумонланмоқда.
Текширув доирасида Коста маъмурияти раҳбари Витор Эскария, бош вазир маслаҳатчиси Ласерда Macҳадо ва Синеш мэри Нуно Маскареняш сўроқ қилинган.
Шунингдек, бу ишда атроф-муҳитни муҳофаза қилиш вазири Дуарто Кордейро ва инфратузилма вазири Жоао Галамба, шунингдек, собиқ атроф-муҳит вазири Жоао Педро Матос Фернандес гумондор деб топилган.
Изоҳ (0)