Киев Ғарб давлатлари томонидан ваъда қилинган қуролларни тўлиқ ҳажмда олмади, аслида, Украинага жанговар ҳаракатларни давом эттириш учун бир неча баробар кўпроқ қурол-яроғ керак. Бу ҳақда Украина президенти офиси раҳбарининг маслаҳатчиси Сергей Лешенко маълум қилди.
“Кеча (Ғарб давлатларининг қуроллари) ўн баробар кўпроқ керак эди. Ҳеч бўлмаса ваъда қилинган, Украина бериш бўйича ҳужжатлаштирилган қисмини олсак ҳам, яхши бўларди, афсуски, улар ҳозирга қадар ихтиёримизга келмади”, — дейди у “Дом” телеканали эфирида.
Лешенконинг сўзларига кўра, Ғарб давлатларидан қуроллар етказиб берилиш ҳажмини оширишга оид муаммоларга ечим Киевга боғлиқ эмас, унга бошқа нарсалар қаторида, қурол ишлаб чиқарувчи заводларнинг қувватлари, Украинанинг ҳамкор мамлакатлар ҳукуматлари ва логистикаси таъсир кўрсатади.
Аввалроқ Украина Қуролли кучлари бош қўмондони Валерий Залужний Тҳе Economist журналига Американинг Ф-16 қирувчи самолётлари Украинага фойда келтирмаслигини, чунки Россия ҳаво ҳужумидан мудофаа тизимини яхшилаб олганини маълум қилганди. У, шунингдек, Ғарбнинг узоқ масофага мўлжалланган ракета мажмуалари ва танклари ўтган йили Киевга керак бўлганини билдирган.
Изоҳ (0)