Россия президенти Владимир Путин Қозоғистонга ташриф буюради. Бу ҳақда Оқўрда матбуот хизматига таяниб, Tengrinews хабар берди.
“9 ноябрь куни давлат раҳбари Қосим-Жўмарт Тўқаевнинг таклифига биноан Остонага расмий ташриф билан Россия Федерацияси президенти Владимир Путин келади”, — дейилади хабарда.
Таъкидланишича, ташриф давомида икки давлат раҳбарлари ўртасида музокаралар ўтказиш режалаштирилган, унда Қозоғистон—Россия стратегик шериклигининг долзарб масалалари муҳокама қилинади. Бундан ташқари, президентлар видеоконференс-алоқа режимида Костанайда ўтказиладиган Қозоғистон ва Россия ўртасидаги ХIX минтақалараро ҳамкорлик форумида иштирок этади.
Россия президенти Владимир Путин 12 октябрь куни Бишкекка келганди. Қирғизистонда икки кунлик расмий ташрифи доирасида у МДҲ давлатлари раҳбарлари кенгаши мажлисида иштирок этган ва бир қатор икки томонлама учрашувлар ўтказганди.
Изоҳ (0)