Тошкентнинг икки тумани ҳудудида 28 октябрь куни табиий газ таъминоти вақтинча тўхтатилади. Бу ҳақда “Ҳудудгаз Пойтахт” хабар берди.
Қайд этилишича, таъмирлаш ишлари туфайли Миробод туманининг “Абдулла Авлоний” МФЙга 28 октябрь куни соат 10:00 дан 17:00 га қадар табиий газ етказиб бериш вақтинча тўхтатилади:
- аҳоли хонадонлари сони — 1591 та хонадон;
- улгуржи истеъмолчилар сони — 6 та.
Шунингдек, Олмазор туманининг “Эски шаҳар” МФЙга соат 09:30 дан 17:00 га қадар табиий газ етказиб бериш вақтинча тўхтатилади:
- аҳоли хонадонлари сони — 19 та ерли хонадон;
- улгуржи истеъмолчилар сони — 1 та.
Таъмирлаш ишлари тугатилгандан сўнг, табиий газ таъминоти қайта тикланади. Юзага келаётган ноқулайликлар учун газ таъминоти филиали истеъмолчилардан узр сўрайди.
Аввалроқ “Ҳудудгазтаъминот” АЖ тунда юқори босимда табиий газ келиши ҳақида хабарлар юзасидан изоҳ берганди. “Бу фейк хабар. Ўтган йилги тарқалган аудиоёзув асосида шундай хабарлар тарқалган”, — дейилади жамият ахборотида.
Изоҳ (0)