Тошкент шаҳар Мирзо Улуғбек туманининг айрим ҳудудларига табиий газ етказиб бериш вақтинча тўхтатилади. Бу ҳақда “Ҳудудгаз Пойтахт” хабар берди.
Маълум қилинишича, таъмирлаш ишлари туфайли туманнинг “Ижодкор” МФЙ Миллий боғ кўчасига 11-октябр куни соат 10:00 дан 18:00 га қадар табиий газ етказиб бериш вақтинча тўхтатилади:
- аҳоли хонадонлари сони — 1959 та;
- улгуржи истеъмолчилар сони — 20 та.
Таъмирлаш ишлари тугатилгандан сўнг, табиий газ таъминоти қайта тикланади. Юзага келаётган ноқулайликлар учун газ таъминоти филиали истеъмолчилардан узр сўрайди.
Шунингдек, 11-октябр куни Учтепа ва Чилонзор туманларининг айрим ҳудудларида электр энергияси вақтинча ўчирилади. Эслатиб ўтамиз, 5-октябр куни Тошкент шаҳрининг тўрт тумани — Яккасарой, Юнусобод, Бектемир ва Сергели туманларининг айрим ҳудудларига табиий газ етказиб бериш вақтинча тўхтатилганди.
Изоҳ (0)