Исроил Ғазода қуруқликдаги амалиётини кенгайтириб, ҳудудга танклар ва пиёда аскарларини юборди. Бу ҳақда Исроил мудофаа вазирига таяниб, Associated Press хабар берди.
Исроил мудофаа вазири Йоав Галлантга кўра, “Ғазода ер ларзага келди” ва ҲАМАСга қарши уруш янги босқичга чиқди.
“Биз урушнинг кейинги босқичига ўтдик. Кеча Ғазо секторида ер ларзага келди. Ер устида ва остидан ҳужум қилдик. Исроил кучларига берилган кўрсатмалар аниқ. Кампания кейинги кўрсатмага қадар давом этади”, — деди Йоав Галлант.
Исроил мудофаа вазирининг тегишли баёноти Ғазо шимолида тўлиқ миқёсли қуруқлик ҳужумига айланишига сигнал беради. Исроилнинг ҳужумлари қамалдаги Ғазонинг 2,3 миллион аҳолисини дунёдан узиб қўйди. Илон Маск сектордаги алоқани тиклашга ёрдам беришини таъкидлади. Фаластин маъмурияти ва Starlink хизмати билан бу борада ҳамкорлик олиб борилмоқда.
Исроил зарбалари оқибатида Ғазода ҳалок бўлган фаластинликлар 7 октябрдан бери 7,700 кишидан ошди. 27 октябрдан бери 377 киши ҳалок бўлди, дея хабар беради Фаластин Соғлиқни сақлаш вазирлиги. Вазирлик маълумотларига кўра, ҳалок бўлганларнинг аксарияти аёллар ва вояга етмаганлардир.
Изоҳ (0)