Исроилнинг тинимсиз бомбардимонида жуда кўп одам ҳалок бўлгани сабабли Ғазо бўйлаб ўликхоналар тўлиб кетди. Гўрковлар марҳумларнинг шахсини аниқлаш ва дафн этиш билан шуғулланмоқда. Бу ҳақда Al Jazeera хабар берди.
Ғазо шаҳридаги Ал-Шифо касалхонаси шифокори Ёсир Али музқаймоқ фургонларида оқ кафанга ўралган, исмлари кўк рангли маркер билан ёзилган жасадлар сақланаётганини айтди.
“Биз касалхонага ҳар куни олиб келинаётган кўплаб жасадларни сақлаб қолиш учун музқаймоқ фабрикаларидан музқаймоқ фургонларини олиб келдик. Бу музлаткичларга қарамай, жасадлар сони сиғимдан ошиб кетмоқда.
Бундан ташқари, ҳар куни 20-30 нафар жасад кўчадаги чодирларга тўпланади. Юк машиналари ичида кўплаб номаълум жасадлар бор, уларнинг кўринишидан шахсига аниқлик киритиш қийин. Уларни тўғри усулда дафн қилиш керак”, — деди у.
Алининг сўзларига кўра, Ғазо секторида ҳақиқий гуманитар инқироз ҳукм сурмоқда.
“Ғазони фалокат кутмоқда. Агар бу уруш давом этса, биз ўликларни дафн эта олмаймиз”, — деди у.
Изоҳ (0)