Фаластиннинг Женин шаҳридаги қочқинлар лагерида ярадорлар томон кетаётган тез ёрдам машинаси ўққа тутилди, дея хабар бермоқда “Чегара билмас шифокорлар” ижтимоий тармоқда.
Аниқлик киритилишича, воқеа кеча тунда юз берган. Тиббий гуруҳ Женин касалхонасига “Исроил қўшинлари қочқинлар лагерига бостириб кирганидан кейин” етиб келган. Икки фаластинлик ҳалок бўлгани, кўплари яралангани хабар қилинмоқда.
“Ходимларимиз Фаластин Соғлиқни сақлаш вазирлиги ходимлари билан биргаликда оғир ярадорларга ёрдам кўрсатди. Ярадорларга етиб боришга ҳаракат қилаётган тез ёрдам машинасига ҳам ўқ узилди. Натижада тез тиббий ёрдам ходимлари ўқдан қочиш учун машинадан тушиб, 20 дақиқа давомида ерда яшириниб ётишган”, — дейилади хабарда.
Ташкилотнинг қўшимча қилишича, бу 7 октябрдан бери босиб олинган Ғарбий Соҳилдаги тиббиёт муассасаларига қилинган биринчи ҳужум эмас. БМТ жами 96 та мана шундай ҳужумни ҳужжатлаштирган, улардан 77 таси тез ёрдам машиналарига қаратилган.
Изоҳ (0)