Бирлашган Миллатлар Ташкилоти Бош ассамблеяси Ғазо секторида зудлик билан ўт очишни тўхтатишга чақирувчи резолюцияни қабул қилди.
Иордания таклиф қилган ҳужжатни қўллаб 120 та давлат, жумладан, Ўзбекистон овоз берди, 14 та мамлакат, жумладан, АҚШ ва Исроил қарши чиқди, яна 45 таси жумладан, Буюк Британия, Канада, Ҳиндистон ва Украина бетараф қолди.
Бош ассамблея, шунингдек, Канада томонидан таклиф қилинган резолюцияга ҲАМАСнинг Исроилга ҳужуми ва одамларни гаровга олишдаги ҳаракатларини қораловчи тузатишни рад этди.
Times оf Israel таъкидлаганидек, бу ташаббус соф рамзий аҳамиятга эга, бироқ овоз бериш натижалари дунёда фаластинликларни қўллаб-қувватлаш қанчалик кучли эканини кўрсатади.
Исроил кучлари 27 октябрь оқшомида Ғазо секторида қуруқликдаги операцияни “кенгайтираётгани”ни, шунингдек, ҳаводан, ердан ва денгиздан ҳужумлар интенсивлигини оширди. Исроил армияси “кенгайиш” нимани англатишига аниқлик киритимади. Мутахассисларнинг фикрича, жанговар ҳаракатларнинг кучайиши ҳали кенг кўламли босқиннинг бошланиши, дегани эмас.
Изоҳ (0)