Тошкент метрополитени “Ерусти ҳалқа йўли” йўналишининг II босқичидаги Қурувчилар даҳасидан Сергели мавзесигача бўлган Турон (13-бекат) ва Қипчоқ (14-бекат) метро бекатларида қурилиш ишларининг сўнгги босқичи амалга оширилмоқда. Бу ҳақда Тошкент метрополитени матбуот хизмати хабар берди.
Шу муносабат билан ушбу янги бекатларни йўналишдаги мавжуд бекатлар билан техник жиҳатдан ўзаро боғлаш мақсадида, 3-5 ноябрь кунлари 3 кун муддатга, “Ер усти ҳалқа йўли” йўналишининг “Толариқ” (10-бекат), “Хонобод” (11-бекат) ва “Қурувчилар” (12-бекат) бекатларида поездлар ҳаракати тўхтатилади.
Бу кунларда “Ерусти ҳалқа йўли” йўналишида поездлар поездлар ҳаракати “Texnopark” (Дўстлик-2) — “Қиёт” (9-бекат) бекатлари оралиғида ташкил этилади.
Шунингдек, йўловчиларга “Қиёт” (9-бекат) — “Қурувчилар” (12-бекат) бекатлари оралиғида бепул хизмат кўрсатувчи қўшимча автобуслар ҳаракати йўлга қўйилади.
“Келтирилган ноқулайлик юзасидан йўловчилардан узр сўраймиз”, — дейилади хабарда.
Эслатиб ўтамиз, Тошкент метрополитенининг ерусти йўналишида икки бекат оралиғида 2 октябрь куни поезд ҳаракати вақтинча тўхтатилганди.
Изоҳ (0)