Toshkent metropolitenining yerusti yo‘nalishida ikki bekat oralig‘ida 2-oktabr kuni poyezd harakati vaqtincha to‘xtatildi. “Toshkent metropoliteni” DUK holatga tushuntirish berdi.
Maʼlum qilinishicha, 2-oktabr sanasida Toshkent metropolitenining Yerusti halqa metro yo‘nalishida sinov tariqasida yo‘lovchilarsiz harakatga qo‘yilgan poyezdda texnik nosozlik holati kuzatilgan. Buning natijasida soat 18:55 larda ushbu yo‘nalishning Yangiobod (6-bekat) va Qo‘yliq (7-bekat) bekatlari oralig‘ida poyezd harakati to‘xtatilgan.
Shu sababli Yerusti halqa yo‘nalishidan foydalanuvchi yo‘lovchilarga noqulaylik hosil qilmaslik maqsadida poyezdlar harakati “Yangiobod” bekatidan bir tomonlama harakatlanishi yo‘lga qo‘yildi. Ushbu holat yo‘lovchilar va poyezdlar harakati xavfsizligiga taʼsir ko‘rsatmagan.
Hozirgi vaqtda yo‘nalishdagi barcha poyezdlar belgilangan jadval asosida harakatlanmoqda.
Izoh (0)