Қатар Ҳиндистоннинг саккиз нафар фуқаросини Исроил фойдасига жосуслик қилганликда айблаб, ўлимга ҳукм қилди. Бу ҳақда Times оf India хабар берди.
Қатар Ҳиндистоннинг 8 фуқаросини Исроил фойдасига жосуслик қилганликда айблаб, ўлимга ҳукм қилди
Нью-Деҳли Қатар ҳукуматининг 8 нафар Ҳиндистон фуқаросини, мамлакат ҳарбий-денгиз кучларининг собиқ зобитларини жосусликда айблаб, ўлим жазосига ҳукм қилиш қароридан “ҳайратда” эканини билдирди. Ҳиндистон ташқи ишлар вазирлиги расмийлар тегишли ҳолатни ўрганаётганини маълум қилди. Вазирлик ҳукмни Қатар расмийлари билан муҳокама қилмоқчи.
Ўлимга ҳукм қилинганлар 2022 йил октябрь ойидан буён Қатар қамоқхонасида бўлиб, сувости кемаларини яратиш дастури юзасидан жосусликда айбланмоқда.
Изоҳ (0)