Импортга қарам бўлган Исроил мамлакати озиқ-овқат тақчиллигига дуч келиши мумкин, чунки юк ташиш компаниялари уруш шароитида портларга киришдан қўрқишмоқда. Бу ҳақда Американинг Фореигн Полиcй журнали хабар берди.
Нашрнинг таъкидлашича, Исроилга товарларни етказиб беришда хавф ва ҳаражатларнинг ошиши мамлакат озиқ-овқат хавфсизлигига таҳдид солмоқда. 2022 йилги USDA ҳисоботига кўра, Исроил шакар, ўсимлик ёғи, дон ва чорва моллари импортига жуда боғлиқ. Қишлоқ хўжалиги ва озиқ-овқат маҳсулотлари импорти Исроил экспортидан деярли уч баравар юқори. Бундай юкларни қабул қилиш учун асосий портлар Исроилнинг Ашдод ва Ҳайфа портлари бўлиб, улар ҳозирда ўққа тутилмоқда.
Кема эгалари ва суғурта компаниялари Исроил портларига кириш-қилмаслик тўғрисида қарор қабул қилишда Исроилнинг кучли ракета ҳужумларини қанчалик самарали қайтара олишига асосланади, деб таъкидлайди журнал.
“Ҳизбуллоҳ Бенямин Нетаняхунинг уларга қарши ақл бовар қилмайдиган ҳужумлар уюштириш ҳақидаги сўзларидан балки қўрқмагандир, лекин юк ташиш компаниялари ва уларнинг суғуртачилари бу гаплардан албатта хавотирга тушишди. Агар улар Исроил портларига кириш жуда хавфли деган хулосага келишса, мамлакат тез орада озиқ-овқат тақчиллигига дуч келиши мумкин”, — деб ёзади Фореигн Полиcй журнали.
Ўтган ҳафтада Тайваннинг Evergreen Line юк ташиш компанияси шаҳар кучли ўққа тутилаётгани туфайли Ашдод портига юк етказиб бериш бўйича ўз мажбуриятларини бажара олмаслигини маълум қилди. Компанияга тегишли бўлган контейнер ортилган кемалардан бири йўналишини ўзгартириб, Ғазо сектори билан чегарадан 50 км узоқликда жойлашган Ҳайфа портида тўхташга мажбур бўлди, деб ёзади журнал.
Изоҳ (0)