Россиянинг “BКС” брокери мижозларга 2021 йилда чиқарилган Telegram облигацияларини иккиламчи бозорда сотиб олишни таклиф қила бошлади.
Тақдимотда айтилишича, облигациялар харидорлари 2025 йилнинг иккинчи ёки учинчи чорагида режалаштирилган Telegram IPO си (Initial Public Offering — Компания акцияларини фонд биржасида бирламчи жойлаштириш) вақтида ўз номинал қийматини акцияларга айлантириши мумкин. Конвертация чегирма билан режалаштирилган:
- Агар IPO 2024 йил мартидан олдин амалга оширилса, 10 фоиз;
- 2025 йил мартгача IPO ўтказилган тақдирда, 15 фоиз;
- IPO 2026 йил мартидан олдин амалга оширилса, 20 фоиз.
Агар акциялар IPO га қўйилмаса, инвесторларга облигацияларни 2026 йилда тўлаб бериш ваъда қилинган.
Telegram беш йиллик облигацияларни биринчи марта 2021 йил март ойида жойлаштирган. Натижада инвесторлар оқими 1 миллиард долларни ташкил этди. Ўша йилнинг апрель ойида Telegram 750 миллион долларлик облигациялар чиқарди.
Изоҳ (0)