Сўнгги йилларда Ўзбекистонда молияга оид янгиликларда IPO атамаси бот-бот такрорланмоқда. IPO ўзи нима учун керак деган савол туғилади. Биржаларга акцияларни жойлаштириш орқали компаниялар хусусий сармоядорлардан-да кўпроқ маблағларни жалб қилиши мумкин. Шу билан бирга, IPO ўз ўзидан катта воқеа, у ўзига ОАВ ва улар орқали омма эътиборини тортади. Бу эса анъанавий маркетинг механизмлари ёки пиар орқали амалга ошириладиган усуллардан ҳам самаралидир. Ўзбекистон учун бу нега керак дейсизми? Албатта биринчи навбатда IPO компанияларнинг очиқлигини таъминлайди. Бугунги кунда ҳукумат томонидан бир қатор давлат компанияларини Халқ IPO’лари орқали хусусийлаштириш устида ишлар олиб борилмоқда
IPO (Initial Public Offering — Компания акцияларини фонд биржасида бирламчи жойлаштириш) амалиётининг пайдо бўлиш тарихи ҳақида гапирганда, жаҳондаги энг йирик IPO’лар ва энг аҳамиятли муваффақиятсизликларга тўхталиб ўтмасликнинг иложи йўқ. Қуйида шундай IPO’лар рўйхати келтирилади.
Компания: Alibaba Holdings Group
Биржадаги листинг (биржа котировка варағи): NYSE: BABA
IPO санаси: 2014 йил 18 сентябрь
Мамлакат: Хитой
Alibaba — диверсификацияланган онлайн электрон тижорат компанияси. Хитойда жойлашган компания IPO’да 21,8 миллиард доллар тўплашга муваффақ бўлган. IPO’дан тўрт кун ўтиб андеррайтерлар янада кўпроқ акцияларни сотди, натижада жалб қилинган маблағлар ҳажми 25 миллиард долларгача ошди.
Компания: TheGlobe.com
Биржадаги листинг: ОТCQB: ТGLO
IPO санаси: 1998 йил
Давлат: АҚШ
Интернетдаги биринчи йирик ижтимоий тармоқлардан бири, унда фойдаланувчилари ўз контентини яратиши ва дунё бўйлаб алмашиши мумкин эди.
1998 йилда, дотком буми авжига чиққан пайтда ижтимоий тармоқ асосчилари IPO ўтказиш ғоясини илгари сурди.
IPO’да ҳар бир акция учун 9 доллардан таклиф қилинган ва 65 долларгача кўтарилган. 2000 йилда инқироз даврида компания қийинчиликларга дуч келди, бу эса оммавий ишдан бўшатиш ва асосий активларни сотиш билан тугади.
Компания: ABC Bank/Agricultural Bank of China
Биржадаги листинг: SЕHК: 1288
SSЕ: 601288
IPO санаси: 2010 йил 7 июль
Мамлакат: Хитой
Хитойнинг бешта йирик банкларидан бири бўлган ABC Bank 2010 йил 7 июлда IPO’ни якунлаб, 19,2 миллиард доллар маблағ тўплади. Anderrayter Goldman Sachs Asia томонидан кейинги таклиф натижасида маблағларнинг умумий ҳажми 22 миллиард долларга етди.
Компания: Shanda Interactive Entertainment
Биржадаги листинг: NASDAQ: GAME (delisting)
IPO санаси: 2009 йил
Мамлакат: Хитой
Бошқа Хитой компаниялари изидан бориб, компания АҚШда IPO ўтказишни режалаштирди. Компания IPO нархини белгилаш ва таклиф қилинадиган акциялар сонини аниқлаш учун JP Morgan вa Goldman Sachs йирик андеррайтерларини ёллади. Натижада, IPO жами 1,04 миллиард доллар (ҳар бир акция учун 12 доллардан ортиқ) йиғди ва 2009 йилда АҚШдаги энг йирик IPO’га айланди. Бироқ андеррайтерлар нархни юқори чегарага суриб, потенциал инвесторлар доирасини чеклаб қўйди, бу эса ҳар бир акция нархининг 14 фоиздан кўпроққа (ҳар бир акция учун 1,5 доллар) пасайишига олиб келди. Компания акцияларни фонд биржасида жойлаштириш 2009 йилдаги энг ёмон IPO дебютларидан бири бўлди.
Компания: ICBC Bank
Биржадаги листинг: HKSЕ: 1398
SSЕ: 601398
IPO санаси: 2006 йил 20-октябрь
Мамлакат: Хитой
Хитойнинг энг йирик тижорат банки. IPO 2006 йилда амалга оширилиб, жами 19,092 миллиард доллар йиғилди. Ўша пайтда ICBC Bank материк Хитойдаги энг йирик банк ва учинчи йирик Хитой банки бўлган.
Компания: Vonage Holdings Corp.
Биржадаги листинг: NYSE: VG
IPO санаси: 2006 йил
Давлат: АҚШ
2006 йилда Vonage интернет-телефонияси Шимолий Америка бозорининг ярмидан кўпини назорат қиларди. Сармояни ошириш ва харажатларни қоплаш учун компания 2006 йилда акцияларни 17 долларга таклиф қилиб, умумий маблағлари 531 миллион долларни ташкил этган ҳолда биржага чиқишга қарор қилди.
Бир қарашда, бу муваффақиятдек кўринди, аммо бу оддий IPO эмасди. Одатда, IPO акциялари инвестиция фирмалари ва андеррайтер билан иш олиб борадиган йирик индивидуал инвесторлар томонидан сотиб олинади. Vonage IPO’даги 13,5 фоиз улушни бевосита Vonage мижозларига таклиф қилиш каби оддий тактика қўллади, мижозлар махсус веб-сайт орқали акцияларни онлайн харид қилиши мумкин эди, аммо бу харидорлар оқимини ушлаб туролмади, кўплаб транзакциялар муваффақиятсиз тугади.
Бир неча кундан сўнг битимлар тасдиқланди, аммо акциялар нархи аллақачон 30 фоиздан кўпроққа тушиб кетганди, бу эса мижозларнинг норозилигини келтириб чиқарди.
Компания: NTT DOCOMO
Биржадаги листинг: NYSE: DCМ
IPO санаси: 1998 йил
Мамлакат: Япония
Токио телекоммуникация ўйинчиси 1998 йил 22-октябрда оммавий бозорга чиқди, умумий маблағлари 18,1 миллиард долларни ташкил этди.
Компания: Pets.com
Биржадаги листинг: NASDAQ
IPO санаси: 2000 йил
Давлат: АҚШ
Pets.com 1990 йилларнинг охирларида интернет буми пайтида пайдо бўлган тўртта онлайн уй ҳайвонлари дўконларидан бири эди. Компания 2000 йилда IPO ўтказди ва кўзга кўринарли 82 миллион доллар йиғди, аммо бу маблағ бизнеснинг молиявий эҳтиёжлари учун етарли эмасди. IPO’дан тўққиз ой ўтгач, Pets.com компанияси ўз фаолиятини тўхтатди.
Компания: Visa Inc.
Биржадаги листинг: NYSE: V
IPO санаси: 2008 йил
Давлат: АҚШ
Тўлов операциялари хизматларини кўрсатувчи Америка трансмиллий компанияси. Компания 2008 йил 18 мартда биржага чиқди, жами капитали 17,8 миллиард долларни ташкил этди, бу ўша пайтдаги глобал молиявий инқироз даврини ҳисобга олганда — катта миқдор. Амалиёт АҚШ компаниялари орасида энг йирик IPO ҳисобланади.
Компания: Wired Ventures
IPO санаси: 1996 йил
Давлат: АҚШ
“Wired Ventures” медиа компанияси таниқли Wired журналини босиб чиқарарди. Журнал ва компаниянинг тақдири дотком пуфагига тўғри келиб қолди. 1996 йилда Wired Ventures IPO’ни амалга оширишга ҳаракат қилди, бироқ фонд бозоридаги, айниқса интернет компаниялари секторидаги пасайиш туфайли битим бекор қилинди. 1998 йилда иккинчи уриниш ҳам муваффақиятсиз тугади.
Компания: АIА
Биржадаги листин: ОТC:ААIGF
IPO санаси: 2010 йил
Мамлакат: Хитой
Гонконг инвестиция ва суғурта компанияси 2010 йил 21-октябрда жамоатчиликка таклиф қилинди. У 17,816 миллиард доллар тўплади: Гонконгдаги ушбу IPO 10 та энг яхши рўйхатидаги учинчи молиявий компания бўлди.
Компания: Webvan.com
IPO санаси: 1999 йил
Давлат: АҚШ
Webvan.com ҳақиқатга айланишга жуда яқин келганди. АҚШнинг еттита йирик шаҳридаги мижозлар ўз компьютерларида ўтириб, 30 дақиқада уйларига етказиб бериладиган озиқ-овқатларга буюртма бериши мумкин эди. 1999 йилда компания IPO ўтказди ва 375 миллион доллар тўплади.1 миллиард долларлик хусусий инвестициялар ҳам олинди. Лекин бунча капитал ҳам компанияни сақлаб қола олмади ва даромад келтирмади.
Компания: Enel S.p.A.
Биржадаги листинг: ОТC:ENLAY
IPO санаси: 1999 йил
Мамлакат: Италия
Европа ва Америка бозорларида электр ва газ ишлаб чиқариш ҳамда тарқатиш билан шуғулланадиган халқаро компания. 1999 йил 1 ноябрда Нью-Йорк фонд биржасида рўйхатга олинган, жалб қилинган капитал ҳажми 16,452 миллиард долларни ташкил этди. Бу энг йирик IPO’лар рўйхатига киритилган ягона коммунал компания ҳисобланади.
Компания: Kozmo.com
Биржа рўйхати: NYSE: VG
IPO санаси: 2000 йил
Давлат: АҚШ
Kozmo.com — фильмларни ижарага берадиган ва газак етказиб берувчи компания.
Хусусий сармоядорлар компания ўсишини тезлаштириш учун ҳатто 280 миллион доллар ажратган.
Коzmо 2000 йил март ойида SEC’га IPO ўтказиш учун ариза берди, аммо бозордаги пасайиш туфайли акцияларни олиб чиқиш кечиктирилганини эълон қилди.
Компания: Facebook
Биржадаги листинг: NASDAQ: FB
IPO санаси: 2012
Давлат: АҚШ
Бу тарихдаги энг шов-шувли IPO’лардан бири. Таклиф 2012 йил 1 майда бўлиб ўтган ва 16,007 миллиард доллар йиғган. Компания ижтимоий медиа соҳасида фаолият юритади, унинг фаолияти савдо муаммолари ва маълумот алмашишдаги айбловлар билан бирга кечмоқда. Бироқ Facebook’нинг IPO’си ҳамон АҚШ тарихидаги энг йирик технология таклифи ҳисобланади.
Компания: eToys.com
Биржадаги листинг: NYSE: VG
IPO санаси: 1999 йил
Давлат: АҚШ
eToys — Toys ʼR Us томонидан асос солинган онлайн ўйинчоқлар сотувчиси.
Афсуски, eToys.com логистика қурбони бўлди – компания турли ўйинчоқларни жўнатиш ва сақлаш имкониятига эга бўлиши учун нолдан бошлаб улкан ва ниҳоятда қиммат инфратузилмани қуришга мажбур бўлди. Дотком буми авжига чиққан пайтда eToys’нинг битта акцияси 20 доллардан сотила бошлади ва 76 долларгача кўтарилди. Аммо ўша йили Рождество куни эрталаб жуда кўп буюртмалар етиб келмагани учун жанжал чиқди. Муаммони бартараф этиш мақсадида компания 2000 йилда кутилган талабни қондириш учун яна иккита улкан омбор қурди, аммо бундан наф чиқмади. 2001 йилда компания банкротлик эълон қилди.
Компания: General Motors
Биржадаги листинг: NYSE: GM
IPO санаси: 2010 йил
Давлат: АҚШ
2009 йилда банкротлик тўғрисидаги аризани бекор қилган General Motors 2010 йил 17 ноябрда IPO ўтказди. АҚШнинг автомобиль ишлаб чиқарувчи компанияси 15,774 миллиард доллар йиғди.
Компания: Blackstone Group
Биржадаги листинг: NYSE: BХ
IPO санаси: 2006 йил
Давлат: АҚШ
Blackstone — бу қайтариб сотиб олишга ихтисослашган хусусий сармоя фирмаси. Компания 2007 йилда IPO ўтказиш режаларини эълон қилганида кўплаб сармоядорларни ҳайратда қолдирди. Проспектда Blackstone келгуси бир неча ой ёки йиллар давомида нотекис даромадлар ҳақида огоҳлантирди, бироқ кўпчилик бунга эътибор бермади. Якунда Blackstone 4,1 миллиард доллар йиғди, инвесторлар олган акциялар эса биринчи йилда ўз қийматининг 42 фоизини йўқотди.
Компания: Nippon Теl
Биржадаги листинг: NYSE: NТТ
IPO санаси: 1987 йил
Мамлакат: Япония
Nippon Теl (NYSE:NТТ) — Токиода жойлашган телекоммуникация провайдери. Бу рўйхатдаги энг қадимги IPO. Компания 1987 йил 9 февралдаги IPO’да 15,301 миллиард доллар йиғди.
Компания: Оmeros
IPO санаси: 2009 йил
Давлат: АҚШ
Omeros биотехнологик фирмаси янги дориларни синовдан ўтказиш билан шуғулланган, компания раҳбарлари IPO тажрибадаги препаратлар АҚШ озиқ-овқат ва фармацевтика идораси (FDA) томонидан маъқулланмагунча компаниянинг барқарор туришига ёрдам беради, деб умид қилган. Omeros 2009 йил 7-октябрда IPO ўтказди ва 62 миллион доллар йиғди. Афсуски, компания акциялари IPO’дан кейинги ҳафталарда тушиб кетди. Оmeros’нинг муваффақиятсизликка учраган тажрибаси бозорда нақд пул учун курашаётган бошқа биотехнологик компанияларнинг умидини пучга чиқарди.
Изоҳ (0)