Global IPO ҳажми 2019 йилдан бери энг паст даражага тушди

Йил бошидан буён дунё бўйлаб компаниялар IPO’ларда 19,7 миллиард доллар йиғди. Бу ўтган йилнинг шу даврига нисбатан 70 фоизга кам ва 2019 йилдан бери энг паст кўрсаткич. Бу ҳақда Bloomberg хабар бермоқда. 

Пасайиш сабаблари юқори инфляция, марказий банклар томонидан юқори ставкалар ва банк секторидаги беқарорлик ҳисобланади. 

Агентликнинг қайд этишича, глобал IPO бозоридаги пасайиш ўтган йилдан бери давом этмоқда, бу юқори инфляция ва марказий банкларнинг юқори ставкалари туфайли юзага келган. 

Таққослаш учун, рекорд даражадаги 2021 йилда компаниялар бирламчи оммавий таклифларда 199 миллиард доллардан кўпроқ маблағ йиғганди.

IPO (Initial Public Offering) — бу компания акцияларининг фонд биржасида биринчи жойлаштирилиши.

Инвесторлар бу йилни Хитойда антиковид чораларини юмшатиш ва ставкаларни оширишнинг секинлашиши билан боғлиқ оптимистик прогнозлар билан бошлаганди. 

Бироқ, банк секторидаги рецессия ва беқарорлик хавфи, жумладан Credit Suisse муаммолари бозор ўсиши бўйича нореал прогнозларни кўрсатди.

Шу билан бирга, жорий йилда акцияларни иккиламчи жойлаштириш ҳажми кўпайиб, ўтган йилга нисбатан 48 фоизга ўсиб, 76 миллиард долларни ташкил этди. Бунга, хусусан, Japan Post Банкидаги J улушини 9,25 миллиард долларга сотгани сабаб бўлган.