Бу йил “Нарния йилномалари” фильми ўзининг “балоғат ёши”ни нишонлайди — картина 18 ёшга тўлди. Шу вақт ичида томошабинлар сеҳрли воқеалар ичида яшади, шу билан бирга фильм қаҳрамонларини ҳам унутишмади.
Уилям Моусли (Питер)
Суратга олиш пайтида актёр 18 ёшда эди, ҳозир у 36 ёшда. Шуниси эътиборга лойиқки, Моусли 1998 йилдаёқ “Сидр ва Роза” фильмида кичик рол ўйнаган. Шундан кейин “Кўришгунча, жаноб Чипс” ва “Нарния”да иштирок этади. Уилям ўзининг жасур қаҳрамонини кейинги қисмларда ҳам ўйнайди: “Нарния йилномалари: Шаҳзода Каспиан” (2008) ва “Нарния йилномалари: Тонгни забт этувчи” (2010).
Юлдуз 2010 йилдан ҳозирги кунгача 18 та фильмда, жумладан, “Дўстлик сўрови” қўрқинчли фильмида, “Сув париси эртаги” ва “Артемис Фаул” саргузашт фильмларида ҳамда “Қузғун” мистик ҳикоясида суратга тушган.
Актёрнинг шахсий ҳаётига келсак, у оила қуришга шошилмаяпти. Моусли болаликдаги дўсти, қўшиқчи ва актриса Келси Чоу билан ўн йилдан бери учрашади, бироқ ҳозирча унга турмуш қуришни таклиф қилиш ниятида эмас.
Анна Попплуэл (Сюзан)
Ҳозир Анна Попплуэлл 34 ёшда, фильмда суратга тушганда эса 16 ёшда эди. Учала қисмда ҳам Сюзан Певенси рол ўйнаган, лекин ҳар бир фильмда экран вақти қисқариб боради. Бунинг сабаби шундаки, 2007 йилда Анна Оксфорд университетининг инглиз адабиёти факультетида ўқиган, шунинг учун унинг суратга тушиш учун вақти бўлмаган.
Агар қизнинг актрисалик карьерасини Моусли билан солиштирадиган бўлсак, у фильмлар сони бўйича ундан ортда, аммо барибир бу фаолиятдан воз кечмайди. Мисол учун, сўнгги бир неча йил ичида унинг иштирокида “Галерея”, “Эртак”, “Роҳибанинг лаънати 2” фильмлари ва “Қироллик” сериалида суратга тушди. Айни пайтда актриса театрлаштирилган спектакллар учун ўзи сценарий ёзади.
2016 йилдан бери у театр ходими Сем Кредга турмушга чиқади, актриса 2021 йилда биринчи фарзандини дунёга келтиради. Шундан кейин Анна ўзини оиласига бағишлашга қарор қилади.
Қизиқарли факт: Попплуэлл “Гарри Поттер” фильмидаги Гермиона Гренжер ролига синовдан ўтган, аммо режиссёрлар аълочи талаба ролини Эмма Уоцонга беришга қарор қилишади.
Александр Кейнс (Эдмунд)
Александр фильмда Певенсининг иккинчи укаси ролини ўйнайди. Айнан у Оқ жодугарнинг сеҳрига берилиб, кейинчалик афсусланади. Фильм суратга олиш вақтида Кейнс 14 ёшда эди ва яқинда ўзининг 32 ёшини нишонлади.
Ушбу лойиҳада ишлашдан олдин Кейнс “Виктория 1901 йилда вафот этган, аммо ҳалиям тирик” ва “Ferrari” каби фильмларда иштирок этган ва фильмнинг сўнгги қисми чиққандан сўнг, юлдуз актёрликни ташлаб, “кўпроқ нарса” қилишга жиддий қарор қилади.
Шундай қилиб, 2014 йилда Александр университетни тамомлайди (шарқшунослик ва араб тилини ўрганади), кейин Буюк Британияда парламент аъзоси Криспин Блантнинг маслаҳатчиси бўлади.
Қизиқарли факт: 2000 йилдан 2005 йилгача Кейнс “Гарри Поттер” юлдузи Дэниэл Редклифф билан Лондондаги хусусий ўғил болалар мактабида ўқиган.
Жоржина Хэнли (Люси)
Жоржина Певенсилар оиласида энг кичиги, шкаф орқасида яширинган сеҳрли ер ҳақида биринчи бўлиб билиб қолган Люси исмли қизни ўйнайди.
Суратга олиш пайтида Хэнли атиги 10 ёшда эди, аммо ҳозир у 28 ёшда. Айнан “Нарния йилномалари” қизнинг фильмдаги дебютига айланди, шундан сўнг у бошқа лойиҳаларда рол ўйнашни давом эттиради. Мисол учун, 2006 йилда у “Жейн Эйр” драмасида кичкина Жейн ролини ўйнайди. 2019йилда “Испан маликаси” сериалида инглиз маликаси Маргарет Тюдор ролини ўйнайди.
Актриса Кембриж университетида ҳам таҳсил олган ва ўша пайтда унга некротизан фациит (тери остидаги юмшоқ тўқималарнинг йўқ бўлиши билан характерланадиган ноёб касаллик) ташхиси қўйилганди Даволанишдан атиги бир неча йил ўтгач, Ҳенли бу ҳақда гапиришга қарор қилади, чунки у чандиқларини яширишдан чарчайди:
“Ўн саккиз ёшимда некротизан фациит билан касалланганман, бу камдан-кам учрайдиган ва хавфли инфекция бўлиб, бутун вужудимни вайрон қилди. Чап қўлим ва билагимни ампутация қилишнинг олдини олиш учун даҳшатли инвазив жарроҳлик амалиётини ўтказдим ва кейин кенг қамровли реконструктив жарроҳлик амалиётини қилдирдим, бу эса мени тери трансплантацияси ва чандиқлар билан абадий қолдирди.
Лекин шуни айтмоқчиманки, энди мен чандиқларимдан уялмайман, улар менинг танам бошидан кечирган оғриқлар харитаси. Энг муҳими, чандиқлар менга тирик қолганимни эслатади. Улар актрисалик қобилиятимга умуман таъсир қилмайди”.
Ҳозирда Жоржина актрисалик маҳоратини ривожлантирмоқда, театрда ўйнаяпти ва реклама кампанияларида рол ўйнамоқда.
Қизиқарли факт: “Нарния йилномалари”нинг биринчи қисми охирида катта ёшли Люсининг опаси Рейчелни ўйнаган.
Айтиш жоизки, фильм экранларга чиққанидан бери актёрлар самимий дўстона муносабатда бўлиб, кўпинча бир гуруҳ бўлиб учрашиб, ҳаётларида содир бўлган воқеаларни муҳокама қилишади.
Изоҳ (0)