“Меҳридарё” лойиҳасига андижонлик аёл Нодира Алижонова мурожаат қилиб, оққон касаллигига чалинган ўғли Аҳмадуллохон Абдуллажоновни даволатиш учун халқдан моддий ёрдам сўради.
— Бу иккинчи фарзандим, у 2019 йил таваллуд топган. Тўрт ёшга тўлганида бирдан тоби қочиб, оғир аҳволда касалхонага олиб бордик. Тиббий текширувлар натижасида унда оққон аниқланди. Бир йилдан буён доимий шифокорлар назоратида. Шифокорларнинг айтишича, кимё муолажаларини вақтида олса ва дориларини ичиб турса, соғайиб кетар экан. Турмуш ўртоғим сомсапаз бўлиб ишларди, аммо ўғлини даволатиш учун касбидан воз кечиб кунлик ишларга чиқишни бошлади. Ҳозир мардикорлик билан рўзғор тебратяпти. Тўрт нафар фарзандимиз бор, Андижонда ҳам уйимиз бўлмагани учун Тошкентга келганмиз. Чеккароқда хароба ҳовлини бир ярим миллион сўмга ижарага олганмиз. Ниятимиз фақат ўғлимизни даволатиш. Ўғлим ҳам бошқа болалар қатори ўйнаб-кулишини истайман. Тез чарчаб қолади, бурнидан қон оқиб, танаси кўкариб кетади. Яхши инсонлар, бу касалликни даволатиш осон эмас экан, дорилари жуда қиммат. Бизга ёрдам беринглар, — дейди беморнинг онаси Нодира Алижонова.
Абдуллажонов Аҳмадуллохонга хайрия қилишни истасангиз,
4278 3100 2695 9601 Visa
8600 0417 0629 3801 УзCард
Алижонова Нодирахон
Мурожаат учун: +998 93 437 57 79
Изоҳ (0)