Тошкент шаҳри ва вилоятида фуқароларни АҚШга юборишини айтиб фирибгарлик қилган икки киши ушланди.
Бош прокуратура ҳузуридаги департаментнинг Юнусобод туман бўлими томонидан ўтказилган тезкор тадбирда муқаддам судланган Ф.М. фуқаро Ж.К.нинг ишончига кириб, уни гўёки юқори лавозимларда ишловчи танишлари ёрдамида 10 минг доллар эвазига АҚШга ишга юборишини ваъда қилиб, олдиндан 3 200 долларни олган вақтида ашёвий далиллар билан ушланган.
Департаментнинг Чиноз туман бўлими томонидан ДХХ ва ИИБ ходимлари билан ҳамкорликда ўтказилган тезкор тадбирда фуқаро Д.Х. фуқаро М.А.нинг ишончига кириб, уни 16 минг доллар эвазига танишлари ёрдамида АҚШга ишлаш учун юборишини айтиб, олдиндан 3 минг долларни фирибгарлик йўли билан олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)