Ўзбекистонлик аёлга эри Россияда иш жойида бахтсиз ҳодиса оқибатида вафот этгани учун компенсация пули ундириб берилди. Бу ҳақда Ташқи меҳнат миграцияси ахборот хизмати хабар берди.
Маълум қилинишича, М.К. турмуш ўртоғи Э.К.нинг Россияда иш жойида содир бўлган бахтсиз ҳодиса натижасида вафот этгани ҳолати бўйича компенсация пулини ундириб бериш тўғрисида ариза билан мурожаат қилган. Ташқи меҳнат миграцияси агентлигининг Москва шаҳридаги ваколатхонаси ҳузуридаги Меҳнат мигрантларининг мурожаатлари билан ишлаш ва ҳуқуқий қўллаб-қувватлаш маркази томонидан кўрсатилган ҳуқуқий ёрдам натижасида Россия Пенсия ва ижтимоий суғурта фондидан М.К. фойдасига 824 минг 252 рубль (8461 АҚШ доллари) миқдорида компенсация пули ундириб берилди.
Шунингдек, Э.К.нинг фарзанди М.Б.га 2033 йил 26 июнга қадар ҳар ойда 19,226 рублдан суғурта пули тўланишига эришилди.
Изоҳ (0)