Шоҳрух Хон Болливуднинг энг машҳур юлдузи ҳисобланади. У нафақат ватанида, балки бутун дунёда машҳур. Бироқ унинг карьерасидаги кўплаб фильмлар кассада омадсизликка учраган. Шоҳрух Хоннинг муваффақиятсиз фильмлари ҳақида кўпчилик билмайди, лекин афсуски, улар бор.
“Ноль”
2018 йилда экранларга чиққан фильм режиссёри Ананд Л.Рай эди. Мазкур фильм Шоҳруҳхоннинг энг омадсиз фильми бўлиб чиқади. Фильмда никоҳ агентлигида ўз севгисини топишга уринаётган митти одам ҳақида ҳикоя қилинади. У NASA олимаси билан танишади ва уни севиб қолади. Бироқ тўй оқшомида у рақс танловида ғолиб чиқиш учун қочиб кетади, кейинчалик машҳур актриса билан танишади. Катрина ва Шоҳрухнинг актёрлик маҳорати юқори баҳоланди, аммо фильм ўз ғоясини тўғри етказа олмаган. Умуман олганда, фильм омадсиз чиқади.
“Жумбоқ”
Фильм 2005 йилда чиққан бўлиб, у 1973 йилги ҳинд фильми “Шубҳа”нинг ремейки сифатида суратга олинади. Фильм турмуш қурган аёлни севиб қолган руҳ ҳақида. Аёлнинг эри тўрт йилга иши бўйича сафарга кетганида, руҳ эрининг қиёфасига кириб олади. У эркакнинг оиласи билан яшайди, уларнинг кўнглини олади. Кейинчалик уни алдаб, шишага солиб қўйишади. Фильм танқидчилардан турли хил баҳолар олади. Картина биринчи навбатда хиёнаткор хотин образи учун танқид қилинган. “Жумбоқ” фильми кассада ҳам муваффақиятсизликка учрайди.
“Васий”
Фильм 2001 йилда экранларга чиққан. Фильм махсус кучлар зобитлари бўлган икки қадрдон дўст ҳақида ҳикоя қилади. Жавед (Жеки Шрофф) ўлдирилади, дўсти Арун (Шоҳрух Хон) унинг болаларини асраб олади. Полиция қотилликда гумонланувчи топилмагунча, фожиа сирлари кутилмаган бурилишларни олади. Фильм сюжети ва персонажлари учун қаттиқ танқидга учрайди.
“Уйга қайтиш”
Фильм АҚШда ишлаётган муваффақиятли одам ҳақида. Ота-онаси бахтсиз ҳодисада вафот этганидан кейин у Ҳиндистонга қайтади. Қишлоққа келганида аҳолининг қашшоқлик ва муаммоларга дуч келганини кўради. Фильм актёрлар таркиби ва ижроси учун турли баҳоларга эга бўлади. Афсуски, кассада муваффақиятсизликка учрайди.
“Император”
2001 йилда чиққан фильмда император Ашоканинг илк ҳаёти ва қасос олиш йўлида олиб борган шафқатсиз жанглари ҳақида ҳикоя қилади. Саёҳатида вақтида ҳалокатга учрагач, ниҳоят буддизмни қабул қилади. Гарчи фильм томошабинлар ва танқидчилар томонидан ижобий баҳоланган бўлса-да, фильм кассадаги муваффақиятсиз картина сифатида баҳоланади.
“Гарри Сежални учратганида”
2017 йилда прокатга чиққан бу фильм никоҳ узугини излаётган қизни севиб қолган гид йигит Гарри (Шоҳрух Хон) ҳақида ҳикоя қилади. Қизнинг унаштирилганига қарамай, у йигитни севиб қолади. Фильм расво сюжети ва қаҳрамонлари учун танқид қилинади. Шоҳруҳхон ижроси томошабинлар томонидан қониқарсиз деб топилади. Фильм мухлисларнинг ҳафсаласини пир қилади ва кассада муваффақиятсизликка учрайди.
Изоҳ (0)