Ynet ахборот портали хабарига кўра, Исроил Ғазо секторидаги шифохонага уюштирилган ҳужумдан сўнг бошланган норозилик намойишлари туфайли Миср ва Марокашдаги элчиларини эвакуация қилди. Исроилнинг бошқа мамлакатларидаги элчихоналарида юқори даражадаги огоҳлик эълон қилинди.
Исроил Ташқи ишлар вазирлиги фуқароларни улар учун хавфли бўлган мамлакатлардан эвакуация қилишини айтди. Вазирлик, шунингдек, дипломатик ваколатхоналарнинг барча ходимларидан эҳтиёт бўлишни ва зарурат бўлмаса, элчихона биноларини тарк этмасликни сўради.
Кеча, 17 октябрь куни Ғазо секторидаги Ал-Аҳли баптистлар касалхонасига зарба берилди. Ғазо Соғлиқни сақлаш вазирлиги ҳужум натижасида 471 киши ҳалок бўлганини маълум қилди, ўлганларнинг аксарияти аёллар ва болалардир. ҲАМАС бу ҳужумда Исроилни айблади. Исроил эса ўзининг айбсизлигини таъкидлаб, зарба “Фаластин исломий жиҳод” гуруҳининг муваффақиятсиз ракета учириши натижаси юзага келганини айтди.
Бўлиб ўтган воқеалар фонида Иордания, Ливан, Тунис, Марокаш, Ироқ, Эрон, Ливия каби кўплаб мамлакатларда норозилик намойишлари бўлиб ўтди.
Изоҳ (0)