Машҳурларнинг ҳаёти ҳар доим ҳам ҳавас қиларлик даражада деб бўлмайди. Улар фарзандидан айрилишдек оғир жудоликни бошдан кечирганини кўпчилик билмайди ҳам.
Майк Тайсон
2009 йилда Майк Тайсон тўрт ёшли қизидан айрилади. Кичкина Эксодес уйда қаровсиз қолган. Ўйнаб юрганида югуриш йўлакчаси (велодорожка) симига ўралашиб қолиши натижасида бўғилиб ўлган. Қизчани катта акаси кўриб қолади ва онасини чақиради. Шифокорлар Эксодесни 24 соат давомида сақлаб қолишга ҳаракат қилишади, аммо бунинг уддасидан чиқа олишмайди. Қизалоқ отасининг қўлида жон беради.
Селин Дион
2010 йилнинг кузида Мй ҳеарт wилл го он романтик қўшиғи ижрочиси Селин Дион эгизаклари — Эдди ва Нелсонни дунёга келтиради. Аммо дастлаб бўлажак ота-она уч нафар эгизак кутишган. Аммо ҳомиладорликнинг илк босқичларида эгизаклардан бирининг юраги уришдан тўхтайди. “Бу биз учун катта зарба бўлди”, дейди Селин.
Мерайя Кери
2008 йилда америкалик поп қўшиқчи Мерайя Кери рэпер Ник Каннонга турмушга чиқади. Эр-хотин даҳшатли фожиа содир бўлгунга қадар бахтли эди, улар фарзанд кўришни режалаштиришган: аммо Кери ҳомила тушиши натижасида боласидан айрилган.
Эр-хотин бу жудоликни енгиб ўтишга муваффақ бўлади: уч йилдан сўнг 2011 йилда эгизаклар — қизи Монро Каннон ва ўғил Мороккан Скотт Каннон дунёга келади.
Кортни Кокс
“Дўстлар” ситкоми юлдузи Кортни Кокс актёр Девид Аркетт билан бир неча йил бахтли турмуш қурган, аммо улар фарзанд кўра олмайди. 2001 йилдан 2010 йилгача Кортни Кокс саккиз марта ҳомиладор бўлади. У фақат битта фарзандини — Коко исмли қизини (2004 йилда туғилган) дунёга келтира олади.
Бейонсе
Ҳозирда Бейонсе ва рэпер Жей-Зининг уч фарзанди бор. Дастлаб Блу Айви исмли қизи туғилади. Эрининг хиёнатига бағишланган феминистик альбомидан сўнг, хонанда эгизак фарзандларни дунёга келтиради. Аммо Жей-Зи билан муносабатларининг бошида Бейонсе бир неча марта ҳомиладор бўлганини деярли кўпчилик билмайди.
Киану Ривз
Голливуд юлдузи Киану Ривз ҳам туғилмаган фарзандини йўқотишдек даҳшатли фожиани бошдан кечирган. 1999 йилда у ва севгилиси Женнифер Сайм қиз фарзанд кўришни кутишган. Унга ҳатто исм ҳам танлаб қўйишади — Ава.
Афсуски, уларнинг орзулари амалга ошмайди. Женнифер ўлик бола дунёга келтиради. Шундан сўнг у ўзини қўлга ололмай, гиёҳванд моддаларга берилиб кетади. Бир ярим йил ўтгач, Женнифер Сайм автоҳалокатда вафот этади.
Бир неча йил олдин Киану ота бўлишдан умидини узганини айтади. “Энди жуда кеч. Ҳаммаси тугади. Мен 52 ёшдаман, энди фарзандларим бўлмайди”, — деганди у 2017 йилда берган интервьюсида.
Жон Траволта
Актёр Жон Траволта — қизи Элла ва ўғли Бенжаминнинг бахтли отаси. Шунингдек, унинг учинчи фарзанди ҳам бор эди — катта ўғли Jetт. У аутизм спектрининг бузилиши билан касалланганди. 16 ёшида Jetт ювиниш хонасида қаттиқ йиқилиб тушади. Жароҳатлар шунчалик оғирлигидан, ўсмир вафот этади.
Изоҳ (0)