АҚШ президенти Жо Байден келаси ҳафта Конгресс билан Украина ва Исроилга қурол етказиб бериш учун 2 миллиард доллардан ортиқ маблағ ажратиш масаласини муҳокама қилади. Бу ҳақда Америка президентининг миллий хавфсизлик бўйича маслаҳатчиси Жейк Салливан маълум қилди.
“Сўралган миқдор бундан сезиларли даражада юқори бўлади. У мудофаа учун зарур бўлган ҳарбий техникани ўз ичига олади”, — деди Жейк Салливан.
11 октябрь куни АҚШнинг ҲАМАСга қарши курашга мўлжалланган биринчи самолёти Исроилга етиб келганди.
Жо Байден Америка Қўшма Штатлари Украина ва Исроилга ҳарбий ёрдам бера олишини маълум қилган. Оқ уй Украинага бериладиган ёрдамни Исроилга шошилинч ёрдам пакети билан бирлаштиришни таклиф қилди.
NBC манбаларига кўра, республикачилар бу ташаббусни қўллаб-қувватламаган. Айни пайтда, CNN хабар беришича, Пентагон Украина ва Исроил учун ўқ-дорилар етишмаслигидан хавотирда.
Изоҳ (0)