Исроилда Фаластиннинг ҲАМАС ҳаракатига қарши жанговар ҳаракатлар бошланганидан кейин тузилган фавқулодда ҳукуматнинг биринчи йиғилиши бўлиб ўтди. Учрашув ҳалок бўлган Исроил фуқаролари ва ҳарбий хизматчилар хотирасига бир дақиқалик сукут сақлаш билан очилди.
“Биз кечаю кундуз, бир жамоа ва бирлашган фронт сифатида ишлаймиз. Орамиздаги бирлик миллатга, душманга ва дунёга аниқ хабар беради. ҲАМАС бизни парчаланиб кетади, деб ўйлаганди. Аксинча, биз ҲАМАСни йўқ қиламиз", - деди Исроил бош вазири Биньямин Нетаньяху.
Шунингдек, йиғилишда вазирлар мамлакат Мудофаа армияси (IDF) операцияси раҳбари Одед Басиукнинг Исроилда хавфсизликни таъминлаш бўйича ҳисоботини тингладилар.
Фавқулодда ҳукумат тузилиши ҳақида 12-октябрь куни эълон қилинган эди. Унинг таркибига Бенямин Нетаняхудан ташқари мухолифат партияси етакчиси Маҳане Мамлахти, Бенни Гантз ва мудофаа вазири Ёав Галант кирди. Улар жанговар ҳаракатларга оид барча муҳим қарорларни қабул қиладилар.
Изоҳ (0)