The New York Times манбаларининг хабар беришича, Исроил шу ҳафта охирида Ғазо секторида қуруқликдаги операцияни бошлашни режалаштирган эди, аммо ноқулай об-ҳаво туфайли уни кейинга қолдирди.
Нашрнинг ёзишича, Исроил Ғазо шаҳрини эгаллаш учун ўн минглаб аскар, танк, сапёр ва махсус кучларни юборади. Мақсад, шунингдек, ҲАМАСнинг юқори сиёсий ва ҳарбий раҳбариятини йўқ қилишдир.
NYT маълумотларига кўра, операция 2006 йилдаги Исроил-Ливан можаросидан кейинги энг йирик операция бўлиши мумкин. Қайд этилишича, Исроил Ғазо қўлга киритилгач, нима қилишни режалаштираётгани ҳозирча номаълум.
Исроил ҲАМАС гаровга олинганларни ўлдириши, тинч аҳолидан тирик қалқон сифатида фойдаланиши ва тузоқ ўрнатишини истисно қилмайди.
Исроил ва ҲАМАС ўртасидаги уруш 7 октябрь куни Исроил ҳудудига юзлаб ракеталар отилгани ва айрим аҳоли пунктлари фаластинликлар томонидан босиб олиниши билан бошланган. Исроил ўз ҳудудлари устидан назоратни қайта тиклаганидан сўнг қуруқликдаги операцияга тайёргарлик кўра бошлади. У Ғазо секторини блокадага олди ва анклавнинг шимолий қисмидаги 1,1 миллион аҳолини қисқа муддат ичида жанубга эвакуация қилишни талаб қилди.
Изоҳ (0)