АҚШ ва Исроил Мудофаа вазирлиги раҳбарлари Ллойд Остин ва Ёав Галант телефон орқали Фаластиннинг ҲАМАС ҳаракати билан кечаётган урушни муҳокама қилди. Пентагон раҳбари ўз ҳамкасбига уруш қонунига риоя қилиш муҳимлигини таъкидлади.
“Қўнғироқ чоғида у уруш қонунига риоя қилиш муҳимлигини, жумладан, тинч аҳолини ҳимоя қилиш мажбуриятларини, шунингдек, Исроил хавфсизликни тиклаш бўйича операцияларини давом эттираётган Ғазода гуманитар инқирознинг кучайишини муҳокама қилди”, — дейилади Пентагон баёнотида.
Остин АҚШнинг Исроил хавфсизлигига содиқлигини билдирди. Томонлар, шунингдек, ҲАМАС жангчилари томонидан гаровга олинганларни ҳам муҳокама қилган. Пентагон раҳбари АҚШнинг Исроилга ҳаво ҳужумидан мудофаа тизимлари ва ўқ-дориларни етказиб бериш борасидаги саъй-ҳаракатлари ҳақида гапирган.
Исроил ва ҲАМАС ўртасидаги уруш бошланганидан бери АҚШ Шарқий Ўрта Ер денгизига иккита самолёт ташувчи ҳужум гуруҳини юборди. ОАВ хабарларига кўра, Эрон агар Исроил Ғазо секторида қуруқликда операция ўтказса, Теҳрон вазиятга аралашиши ҳақида огоҳлантирган.
Исроилнинг зарбалари ортидан Ғазо секторидаги гуманитар вазият ёмонлашди. Исроил Ғазо секторини тўлиқ блокадага олди ва унинг шимолий қисмидан қисқа вақт ичида 1 миллиондан ортиқ одамни эвакуация қилишни талаб қилди.
Изоҳ (0)