Ўзбекистонда автомобилларни марказий вокзалларга киритиш имконияти кўриб чиқилади. Бу президентнинг 10 октябрдаги “Темир йўл транспорти соҳасини ислоҳ қилиш тўғрисида”ги қарори билан тасдиқланган йўл харитасида келтирилган.
Ҳужжатга мувофиқ, Ички ишлар вазирлиги, Миллий гвардия, Транспорт вазирлиги, “Ўзбекистон темир йўллари” АЖ 2024 йил 10 мартга қадар марказий вокзалларнинг кириш жойларигача барча турдаги йўловчи автотранспорт воситаларининг киришига рухсат бериш бўйича таклифларни ишлаб чиқади.
Шунингдек, 2024 йил 1 декабрдан бошлаб доимий равишда барча темир йўл вокзалларида савдо ва хизмат кўратиш нуқталари ташкил этилади. Темирйўл вокзалларидаги майдонларни оптимизация қилиш ҳисобига бўшайдиган ҳудудларда савдо ва хизмат кўрсатиш нуқаталари тадбиркорлик субъектларига аукцион орқали ижрага берилади.
Аввалроқ Ўзбекистонда тезюрар поездларда йўловчиларни ташиш тарифларини давлат томонидан тартибга солиш амалиётидан воз кечилиши тўғрисида хабар берилганди. Шунингдек,Ўзбекистонда эндиликда темирйўл вокзалларига шахсни тасдиқловчи ҳужжатларсиз киришга рухсат берилмоқда. Чипталари йўқ шахслар, шунингдек, чиптада кўрсатилган маълумотлар йўловчининг шахсини тасдиқлайдиган ҳужжатлардаги маълумотларга мос бўлмаган фуқароларнинг йўловчилар платформаси-перронга ва йўловчи ташиш вагонларига киришига йўл қўйилмайди.
Изоҳ (0)