Тошкентнинг айрим ҳудудларида 13 октябрь куни электр энергияси таъминоти вақтинча тўхтатилади. Бу ҳақда “Ҳудудий электр тармоқлари” матбуот хизмати хабар берди.
Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш, куз-қиш мавсумига пухта тайёргарлик кўриш мақсадида қуйидаги манзилларда электр таъминоти вақтинча ўчирилади:
- Мирзо Улуғбек тумани — “Гулзоробод” МФЙнинг айрим кўчаларида соат 09:00 дан 16:00 гача;
- Сергели тумани — “Янгиҳаёт” МФЙнинг айрим кўчаларида соат 09:00 дан 16:00 гача.
Таъкидланишича, таъмирлаш ишлари белгиланган вақтдан аввалроқ якунланиши мумкин.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Шунингдек, таъмирлаш ишлари туфайли Тошкент шаҳар Мирзо Улуғбек туманининг қатор ҳудудларига 13 октябрь куни табиий газ етказиб бериш вақтинча тўхтатилади.
10:00 дан 18:00 гача — “Дарҳон” МФЙ Кўхусим кўчаси:
- аҳоли хонадонлари сони – 24 та.
14:00 дан 18:00 гача — Шўртепа, Моҳларойим, Бинокор, Жасорат, Узумзор, Ш.Бурхонов, Ойишахоним, Турон, Гулнор ва Сарбанд кўчалари
- аҳоли хонадонлари сони – 582 та;
- улгуржи истеъмолчилар сони – 13 та.
Аввалроқ Бектемир ва Учтепа туманларида табиий газ етказиб бериш, шунингдек, Сергели ва Бектемир туманларида электр энергияси таъминоти вақтинча тўхтатилиши тўғрисида хабар берилганди.
Изоҳ (0)