Самарқанддаги мактабларнинг бирида мактаб ўқитувчиси ва фарроши порталга ёзгани учун директорнинг танишлари томонидан калтаклангани айтилди. Вилоят мактабгача ва мактаб таълими бошқармаси ҳолатга муносабат билдирди.
Хабарга кўра, мазкур мурожаат Ургут туман мактабгача ва мактаб таълими бўлими масъуллари томонидан ўрганилди. 9-октябр куни 93-мактабда фаррош бўлиб ишловчи С. Г.нинг Президент администрациясига 26-сентябр куни мактаб директори Л.Р. ва хўжалик ишлар бўйича директор ўринбосари Ф.А.нинг хатти-ҳаракатидан норози бўлиб қилган мурожаати педагогик жамоа билан биргаликда ўрганиб чиқиш учун Г.С. мактабга чақиртирилган.
Ушбу аризани ўрганиб чиқиш жараёнида қатнашган ўқитувчилар (мактаб директори ўринбосарлари Ф.Аҳмедов, Н.Тошмуродова, мактаб касаба уюшмаси раиси С.Нишонова, 11-синф раҳбарлари М.Нодирова, М.Хушвақтова, Д.Азимовалар) билан суҳбат жараёнида мактаб фарроши Г.С.ни ҳеч ким урмаганини баён қилишган.
Мактаб директори ҳам ўз тушунтириш хатида юқоридаги мурожаат фаррош томонидан уюштирилган “навбатдаги бўҳтон” дея таъкидлаган. Ижтимоий тармоқда эълон қилинган Telegram ёзишмаларида кўрсатилган пластик рақами ҳам директорга тегишли эмаслиги, айни пайтда ушбу ҳолат бўйича мактаб директори ҳуқуқни муҳофаза қилиш органларига мурожаат қилганини маълум қилган. Вазият бўйича ҳуқуқий баҳо ваколатли органлар томонидан берилади.
Изоҳ (0)