Тошкент вилоятида жойлашган божхона пости орқали тиббиёт буюмларини ноқонуний олиб киришга уринмоқчи бўлган шахс тўхтатиб қолинди. Бу ҳақда вилоят Божхона бошқармаси хабар берди.
Қайд этилишича, “Ғишткўприк” чегара божхона постига фуқаро бошқарувида Captiva русумли бўлган енгил автоулов божхона кўригидан ўтказган, текширув давомида рухсат берувчи ҳеч қандай ҳужжатлари бўлмаган йўловчи божхона декларациясида кўрсатилмаган ва оғзаки сўровда маълум қилинмаган қиймати 305 миллион сўмлик 3 050 дона “Юнона Био Т” номли тиббиёт воситалар борлиги аниқланган.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом этмоқда.
Бундан олдин Сирдарёда 1,8 миллиард сўмлик тамаки ва дори воситаларининг ноқонуний айланмаси фош этилганди. Август бошларида эса Наманганда 550 миллион сўмлик дори воситалари йўқ қилингани, Ўзбекистон аҳолиси эҳтиёжи учун Украина компанияси ишлаб чиқарадиган юқори сифатли дорилар етказилиши тўғрисида хабар берилганди.
Изоҳ (0)