Toshkent viloyatida joylashgan bojxona posti orqali tibbiyot buyumlarini noqonuniy olib kirishga urinmoqchi bo‘lgan shaxs to‘xtatib qolindi. Bu haqda viloyat Bojxona boshqarmasi xabar berdi.
Qayd etilishicha, “G‘ishtko‘prik” chegara bojxona postiga fuqaro boshqaruvida Captiva rusumli bo‘lgan yengil avtoulov bojxona ko‘rigidan o‘tkazgan, tekshiruv davomida ruxsat beruvchi hech qanday hujjatlari bo‘lmagan yo‘lovchi bojxona deklaratsiyasida ko‘rsatilmagan va og‘zaki so‘rovda maʼlum qilinmagan qiymati 305 million so‘mlik 3 050 dona “Yunona Bio T” nomli tibbiyot vositalar borligi aniqlangan.
Hozirda yuqoridagi holat yuzasidan bojxona organlari tomonidan surishtiruv harakatlari davom etmoqda.
Bundan oldin Sirdaryoda 1,8 milliard so‘mlik tamaki va dori vositalarining noqonuniy aylanmasi fosh etilgandi. Avgust boshlarida esa Namanganda 550 million so‘mlik dori vositalari yo‘q qilingani, O‘zbekiston aholisi ehtiyoji uchun Ukraina kompaniyasi ishlab chiqaradigan yuqori sifatli dorilar yetkazilishi to‘g‘risida xabar berilgandi.
Izoh (0)