Қирғизистонда 4-октябр куни халқаро жиноий доираларда “Коля-қирғиз” номи билан танилган маҳаллий криминал авторитет Қамчи Кўлбоев (Қамчибек Asanбек) ҳибсга олиниши чоғида ўлдирилди. Бу ҳақда Қирғизистон Миллий хавфсизлик давлат қўмитаси матбуот хизмати хабар берди.
Олиб борилган тезкор-қидирув тадбирлари давомида Қамчибек Asanбек Блондер Пуб ресторанида экани аниқланиб, махсус бўлинмаларнинг бир гуруҳ аскарлари уни қўлга олиш учун борган. Жиноятчи Хавфсизлик хизмати ходимларининг таслим бўлиш ҳақидаги талабларига бўйсунмай, ўқотар қуролдан фойдаланган ҳолда қуролли қаршилик кўрсатган.
“Миллий хавфсизлик давлат қўмитаси махсус бўлинмаси ходимлари бунга жавобан ўт очди”, — дейилади хабарда.
Кейинроқ шифокорлар Asanбекнинг ўлимини тасдиқлашди. МХДҚ ходимлари ва тинч аҳоли вакиллари орасида қурбонлар йўқ.
Амалга оширилаётган ишлар доирасида уюшган жиноий гуруҳларнинг фаол аъзолари ва уларнинг раҳбарларига нисбатан тадбиркорларнинг мол-мулкини ўта йирик миқдорда ноқонуний олиб қўйиш ҳолатлари бўйича бир қатор жиноят ишлари қўзғатилиб, тергов ҳаракатлари олиб борилмоқда.
Изоҳ (0)