Уруш пайтида Украинани ноқонуний тарк этган ҳарбий хизматга мажбур бўлганларни жазолаш масаласида “олтин оралиқ” қоидасига амал қилиш керак. Бу ҳақда Украина ички ишлар вазири Игор Клименко “Украинская правда” газетасига берган интервьюсида маълум қилди.
“Бу вазиятда олтин оралиқни топишимиз керак. Бизни уларни мамлакатга киритмаслигимиз ёки киргизишимиз, қамоқда ўтиришлари ёки ўтирмасликларида айблаш керак эмас. Давлат ушбу муаммога умумий ёндашувни ишлаб чиқиши зарур. Чунки бу муаммо келажакда ижтимоий бўлади, яъни урушдан қочган қатламни аҳолининг бошқа қатлами қабул қилмаслиги мумкин”, — деди Клименко.
Ички ишлар вазир жазо уларга маъмурий жарима қўлланилишини истисно қилмади.
“Албатта, агар улар сохта ҳужжатлар билан Украинани тарк этган бўлса, бу жиноий жавобгарликни англатади”, — таъкидлади у.
Вазирнинг сўзларига кўра, бу масаланинг ҳам ҳуқуқий, ҳам ахлоқий томони бор.
“Ахлоқий томон — бу хандақда ўтирган, юрт ҳаётини таъминлаётган ва 19 ойдан бери хорижда бўлган, баъзилари олдин, баъзилари кейинроқ кетганлар учун адолат туйғусидир. Биз ҳозир бу адолатни ҳам ҳуқуқий, ҳам ахлоқий жиҳатдан бир тартибга солувчи ҳуқуқий нормаларни муҳокама қилмоқдамиз”, — деди Украина ички ишлар вазири.
Клименконинг таъкидлашича, “қонуний равишда кетганлар бутунлай бошқа масала”, бошқалар эса қонунни бузган, чунки улар, қоида тариқасида, ноқонуний кетган.
“Магистрал йўл тизими орқали, ҳарбий тиббий комиссия ва тиббий-ижтимоий экспертиза ҳужжатлари орқали хизмат сафарига ёки ўқишга ноқонуний кетган. Шунинг учун, давлат олтин оралиқни қидирмоқда, токи бу одамларни Украинага қайтарилиши мумкин бўлсин”, — деди ИИВ раҳбари.
Изоҳ (0)