Россия бир ярим йил давомида Украина билан урушга қарийб 167,3 миллиард доллар сарфлади. Тегишли ҳисоб-китоблар Forbes нашри томонидан эълон қилинди.
Қайд этилишича, Россия Украина билан урушга ҳар куни тахминан 300 миллион доллар сарфлайди. Россия бюджети эса жорий йилнинг январь июнь ойларида бутун 2023 йилга мўлжалланганидан кўпроқ сарф қилди. Шунга қарамай, Россия ўзининг ҳарбий бюджетини икки баравар оширмоқда ва рус аскарларини таъминлаш тобора камаймоқда.
Урушнинг 18 ойи давомида (2022 йил 24 февралдан 2023 йил 24 августгача) тўғридан тўғри ҳарбий харажатлар ва йўқотилган рус техникасининг қиймати тахминан 167,3 миллиард долларни ташкил этади. Ушбу ҳисоб-китобга Россиянинг ноҳарбий мудофаа харажатлари ёки иқтисодий йўқотишлари кирмайди.
Харажатларнинг энг йириклари қаторига:
- ҳарбий амалиётларни таъминлаш (51,3 миллиард доллар);
- ҳарбийларнинг маоши (35,1 миллиард доллар),
- ҳалок бўлганларнинг оилаларига (25,6 миллиард доллар) ва ярадорларга (21 миллиард доллар) товон тўлаш;
- вайрон қилинган техникалар нархи (34 миллиард доллар) киради.
Украинага учирилган ракеталарнинг умумий қиймати аллақачон 21,1 миллиард доллардан ошган.
Изоҳ (0)