Россия мудофаа вазири Сергей Шойгу Украинадаги “махсус ҳарбий операция” 2025 йилгача давом этишини айтди. Қримдаги бир қатор нозик зарбалардан сўнг, Шойгу Россиянинг Украинага қарши уруши қанча давом этишини тушунтирди. Унинг нутқини “ТАСС” агентлиги ўзининг Telegram каналида эълон қилди.
Россия мудофаа вазири кейинги икки йил ичида Россия ўзининг “белгиланган мақсадларига” эришишни ва қўмондонлик томонидан кўзланган барча тадбирлар ва режаларни амалга оширишни айтди.
“Замонавий қурол-яроғ ва қўшинларнинг такомиллаштирилган тайёргарлиги, 2025 йилгача бўлган чора-тадбирлар ва ҳаракат режаларининг изчил амалга оширилиши олдимизга қўйган мақсадларга эришиш имконини беради”, — деди у.
Шунингдек, вазир Украина АҚШ ва иттифоқчиларидан ёрдам олаётганини эслатди. У бундай ҳаракатлар Украинани “ўзини ўзи йўқ қилишга ундаши”ни билдирди.
Изоҳ (0)