Тожикистонда Қирғизистон ва Афғонистон билан чегаралар яқинидаги фуқаролик аэропортлари Мудофаа вазирлиги тасарруфига ўтказилди

Тожикистон ҳукумати маҳаллий авиакомпаниялар учун аэропортларни шаҳар ва туманлар муниципал мулкидан республика мулки ва республика Мудофаа вазирлиги балансига ўтказиш тўғрисида қарор қабул қилди. 31 август куни қабул қилинган ҳужжат Адлия вазирлигининг ҳуқуқий ахборот порталида эълон қилинди, деб ёзмоқда Asia Plus.

Ҳукумат қарорига кўра, Қирғизистон билан чегара яқинида жойлашган Исфара аэропорти Хўжанд халқаро аэропорти тасарруфидан чиқарилиб, Тожикистон Мудофаа вазирлигига ўтказилди.

Фархор тумани ва Афғонистон билан чегарадош Мир Саид Али Ҳамадоний тумани аэропортлари мудофаа ишлари бошқармаси ихтиёрига ўтказилди. Бу объектлар Тожикистон мудофаасига кўмаклашиш жамоат ташкилоти марказий қўмитаси балансида бўлиб келган.

Бундан ташқари, шаҳар ва туманлар муниципал мулкидан 18 та маҳаллий авиакомпания аэропортлари мудофаа ишлари бошқармаси тасарруфига ўтказилади. Аэропортларни қайта тиклаш ва доимий шай ҳолатга келтириш учун сафарбар қилинадиган ҳарбийларга маблағ ажратиш Мудофаа вазирлигига юклатилади.

Тожикистон Мудофаа вазирлиги балансига ўтказилган аэропортлар рўйхатига қуйидагилар киради:

• Панж тумани аэропорти;
• Шамсиддин Шохин тумани аэропорти;
• Даштижум аэропорти;
• Иол аэропорти;
• Аининский тумани аэропорти;
• Истаравшан аэропорти;
• Ашт тумани аэропорти;
• Канибодом шаҳри аэропорти;
• Пенжикент аэропорти;
• Ишкашим тумани аэропорти;
• Рушанский тумани аэропорти;
• Ванж тумани аэропорти;
• Калай Хумба аэропорти;
• Сагирдашт аэропорти;
• Ляхшский тумани аэропорти;
• Ляхш аэропорти;
• Тожикобод тумани аэропорти;
• Рашт тумани аэропорти.

Ҳозирда парвозлар мамлакатнинг фақат тўртта халқаро аэропортидан амалга оширилмоқда: Душанбе, Хўжанд, Бохтар ва Кўлоб.

2008 йилда Tajik Air GUAP қайта ташкил этилгандан сўнг, ушбу тўртта бандаргоҳ халқаро аэропортлар мақомини олди ва мустақил хўжалик юритувчи субъектларга айланди. Хоруғ аэропорти Душанбе халқаро аэропортининг таркибий бўлинмасига кирди. Нисбатан кичик бўлган 29 та аэропорт эса маҳаллий ҳокимиятлар балансига ўтказилди ва маблағ етишмаслиги сабаб фаолиятини тўхтатди.