Тожикистонда 27 август куни кузатилган кучли ёғингарчилик сел ва кўчки келишига сабаб бўлди. Табиий офат оқибатида ҳалок бўлганлар сони 21 кишига етди.
Дастлаб 13 киши ҳалок бўлгани ҳақида хабар берилганди. Янги маълумотларга кўра, табиий офат қурбонлари 21 кишини ташкил қилмоқда. Жумладан, Ваҳдат шаҳрида 17 киши, Рудакий ва Варзоб аҳоли пунктларида эса жами тўрт киши ҳалок бўлган. Улар орасида 40 кунлик чақалоқ ҳам бор.
Ваҳдат шаҳрини тиклаш ишлари учун Фавқулодда вазиятлар қўмитаси ҳисобидан 3 тонна, Ҳисор шаҳрига 2 тонна дизел ёқилғиси ажратилган.
Ҳозирда Ваҳдат—Ромит автомобиль йўли тўлиқ лой ва тошлардан тозаланиб, ҳаракатланиш тикланган. Воқеа жойида маҳаллий фавқулодда комиссиялар ишламоқда ва етказилган зарар миқдори аниқланмоқда.
Изоҳ (0)