Тошкент шаҳрининг айрим туманлари ҳудудида иссиқ сув таъминоти вақтинча тўхтатилади. Бу ҳақда Veolia Energy Tashkent хабар берди.
Иситиш магистралидаги носозликларни бартараф этиш ва тегишли жиҳозларни алмаштириш бўйича авариявий таъмирлаш ишларини олиб бориш сабабли бугун, 27-сентябр куни қуйидаги манзилларда иссиқ сув таъминоти вақтинча тўхтатилади:
- Чилонзор тумани — К. Шарқ, Гулистон ва Алгоритм даҳалари;
- Учтепа тумани — Изза, Эшонгузар даҳалари, 30 ва 31-мавзелар.
Қайд этилишича, иссиқ сув таъминоти фавқулодда таъмирлаш ишлари тугаши биланоқ тикланади.
“Veolia Energy Tashkent МЧЖ ХК вақтинчалик ноқулайликлар учун олдиндан узр сўрайди ва иссиқ сув таъминотини тезроқ тиклаш учун барча зарур чораларни кўради”, — дейилади хабарда.
Аввалроқ Бектемир ва Учтепа туманларида табиий газ етказиб бериш, шунингдек, Сергели ва Бектемир туманларида электр энергияси таъминоти вақтинча тўхтатилиши тўғрисида хабар берилганди.
Изоҳ (0)