“Дарё”да “Яккасаройдаги ўзбошимчалик оқибати: дарахтлар кимёвий модда билан қуритилди, автомобиль йўли ва пиёдалар йўлакчаси эгаллаб олинди” сарлавҳали мақола эълон қилинганди. Қурилиш ва уй-жой коммунал хўжалиги вазирлиги ҳамда Яккасарой тумани ҳокимлиги мазкур мақолага муносабат билдирди.
.jpg)
Тошкент шаҳар Яккасарой тумани “Тўқимачилик” маҳалласи Сафдош кўчасида жойлашган буюртмачи Perfect universal service МЧЖга тегишли савдо маиший хизмат кўрсатиш биносининг қурилиш объекти лойиҳа-смета ҳужжатлари Тошкент шаҳар Қурилиш ва уй-жой коммунал хўжалиги бош бошқармаси Архитектура ва шаҳарсозлик кенгаши ишчи органи томонидан 2023 йил 19 апрелда тегишли хулоса билан келишиб берилган. Ишлаб чиқилган ишчи лойиҳаларга “Ташгорексперт” МЧЖ томонидан 2023 йил 23 апрелда ижобий йиғма экспертиза хулосаси олинган.
Буюртмачининг 2023 йил 24 майда Давлат хизматлари агентлиги орқали юборган аризасига асосан ўрнатилган тартибда Тошкент шаҳар қурилиш ва уй-жой коммунал хўжалиги соҳасида ҳудудий назорат қилиш инспекцияси рўйхатидан ўтган. Ҳозирги кунда Тошкент шаҳар ҳокимининг 2018 йил 17 сентябрдаги 1361-сонли қарорига асосан қурилиш объектининг ҳудудини вақтинча ўраб турувчи тўсиқлар ўрнатилган бўлиб, қурилиш-монтаж ишлари бошланмаган. Ҳудудий инспекция томонидан эса шаҳарсозлик фаолиятига оид қонун ҳужжатларига зид равишда қабул қилинган хулосани бекор қилиш юзасидан Тошкент шаҳар Қурилиш ва уй-жой коммунал хўжалиги бош бошқармасига 2023 йил 14 сентябрда тақдимнома киритилган ҳамда бошқарма томонидан жорий йилнинг 15 сентябрида кенгаш йиғилишида 2023 йил 19 апрелдаги 69918-сонли хулоса бекор қилинганини маълум қиламиз, — дейилади Қурилиш ва уй-жой коммунал хўжалиги вазирлиги берган расмий ахборотда.
Яккасарой ҳокимлигининг мазкур ҳолат юзасидан қўшимча қилишича, қурилиш ишлари тўхтатилишига аҳолининг норозилиги сабаб бўлган.
Шунингдек, қурилиш ишларини режалаштириш жараёнида аҳолининг норозилигини инобатга олиб, аҳоли билан келишган ҳолда белгиланган тартиб асосида қайта кўриб чиқилиши юзасидан Тошкент шаҳар Қурилиш бошқармаси ҳузуридаги ҳудудий архитектура-шаҳарсозлик кенгаши йиғилишининг 2023 йил 15 сентябрдаги 03-40/1-сонли баёнида кўриб чиқилди ва 2023 йил 19 апрелдаги 69918-сонли хулоса бекор қилинди, — дейилади ҳокимлик муносабатида.
Қурилиш вазирлиги ҳамда Яккасарой ҳокимлиги эътиборини тортган мақолада ҳудуддаги дарахтларга таркибида нефть маҳсулотлари бўлган суюқлик қуйилиб, дарахтларни нобуд қилишга уриниш бўлгани очиқланганди.
Изоҳ (0)