“Жон Уик-4” франшизаси фильмнинг аввалги қисмлари орасида касса рекордини ўрнатди

Голливуд юлдузи Киану Ривз иштирокидаги “Жон Уик-4” фильми бутун дунё бўйлаб кассаларда 350 миллион доллар (349,7 миллион доллар) йиғди. Бу лойиҳа жанговар йўналишдаги фильм қисмлари орасида энг юқори даромад келтирган кинокартинага айланди.

Аввалроқ бу рекорд “Жон Уик-3” (бутун дунё бўйлаб 28 миллион доллар йиққан)га тегишли эди. Тўртинчи қисмнинг бу миқдорда маблағ йиғишига Жанубий Кореяда ижаранинг яқинда бошлангани ёрдам берди. Лойиҳа Жанубий Кореяда ҳафта охирида намойиш этилаётган кинокартиналар орасида биринчи ўринни эгаллади. “Жон Уик-4” фильми халқаро ҳудудларда жами 189,6 миллион доллар, АҚШдан эса 160,1 миллион доллар ишлаб топган.

Маълумот учун, “Жон Уик” фильми Киану Ривз иштирокидаги жанговар франшиза ҳисобланади. У рафиқаси вафоти учун қасос олишга қарор қилган истеъфодаги қотил ҳақида ҳикоя қилади. Бу қасос бутун дунё бўйлаб ёлланма аскарларни бошқарадиган махфий ташкилотга қарши очиқ урушга айланади. Франшизанинг тўртинчи қисми қотил Уик (фильмда ушбу ролни Киану Ривз ижро этган) ва унинг кучли, янги душмани (Билл Скарсгард гавдалантирган образ) ўртасидаги қарама-қаршилик ҳақида ҳикоя қилади.