Голливуд юлдузи Киану Ривз “Жон Уик-4” фильмининг суратга олиш жарайонларида унга ёрдам берган каскадёрларга ноодатий тарзда миннатдорчилик билдирди. Актёр махсус сувенирларга буюртма берган. Nyu-York Times газетасининг ёзишича, у каскадёрларга экранда вафот этган инсонлар сони ёзилган эсдалик футболкаларини ҳадя қилган.
Фильмнинг асосий саҳналаридан бири Сакре-Кер Базиликасига олиб борадиган зинапоядаги жанг эпизоди ҳисобланади. Бу саҳна етти кеча суратга олинган. Каскадёрларнинг ҳар бири бу саҳнада тахминан 4-5 мартадан “ўлган”. Улар саҳна жарайонларини яратиш пайтида енгил жароҳат олган.
“Бир нечта зарба ва кўкаришлар бор, бироқ мия чайқалиши бўлмади”, — дейди каскадёр координатори Скотт Рожерс.
Маълумот учун, “Жон Уик” фильми Киану Ривз иштирокидаги жанговар франшиза ҳисобланади. У рафиқаси вафот этганидан итининг ўлими учун қасос олишга қарор қилган истеъфодаги қотил ҳақида ҳикоя қилади. Бу қасос бутун дунё бўйлаб ёлланма аскарларни бошқарадиган махфий ташкилотга қарши очиқ урушга айланади. Франшизанинг тўртинчи қисми қотил Уик (фильмда ушбу ролни Киану Ривз ижро этган) ва унинг кучли, янги душмани (Билл Скарсгард гавдалантирган образ) ўртасидаги қарама-қаршилик ҳақида.
Изоҳ (0)