“Жон Уик” муаллифлари франшизанинг бешинчи қисми устида иш бошланганини эълон қилди

Kiaну Ривз иштирокидаги “Жон Уик” франшизаси бешинчи фильмини олади. Бу ҳақда CоmicBook хабар бермоқда.

Lionsgate бўлинмаларидан бирининг раҳбари Жо Дрейк “Жон Уик-5” ҳақида киностудия молиясига бағишланган тақдимот чоғида маълум қилди. Унинг сўзларига кўра, лойиҳа ривожланишнинг дастлабки босқичида.

“Буни расман айтиш мумкин. Маълумки, ‘Балерина’ кейинги йил чиқадиган биринчи спин-оффдир. Яна учта лойиҳа ишлаб чиқилмоқда, жумладан, ‘Жон Уик-5’ ва тез орада эфирга узатиладиган ‘The Cоntinental’ сериали. Шундай қилиб, биз кино олами яратмоқдамиз ва бу картина пайдо бўлганда, улар ҳикояга органик тарзда қўшилади. Аммо  сиз ‘Жон Уик’нинг таниш ритмини кўришингиз мумкин бўлади”, — деди Дрейк.

Lionsgate вакили “Жон Уик-5” фильмининг сюжет и ва актёрлари ҳақида ҳеч қандай маълумот бермади.

Kiaну Ривз иштирокидаги “Жоҳн Уик-4” фильми 23 март куни прокатга чиқди.

Lionsgate аллақачон франшизанинг иккита спин-оффини суратга олган. 2023 йил октябрь ойида худди шу номдаги меҳмонхона эгаси Уинстон Скотт ҳақидаги Cонтинентал мини-сериали оммага тақдим этилади. Ўз оиласининг ўлими учун ўч олган ёлланма ва профессионал раққоса ҳақида “Балерина” фильмининг намойиш қилиниши 2024 йилга мўлжалланган. Яқинда “Жон Уик” муаллифлари яна бир спин-офф яратишга ваъда берди.