Insider нашри Голливуд актёрлари ва эстрада юлдузлари ўзларининг илк йирик гонорарларини нимага сарфлаганликлари ҳақида маълумот беради.
Метт Деймон — онасига муолажа курси ва акасига машина
Актёрнинг ҳозирги бойлиги: 170 миллион доллар
Деймон 1990 йилда “Ўғил — кўтарилаётган юлдуз” фильмидаги роли учун биринчи йирик гонорарини олади — унга 25 минг доллар тўланган.
“Мен акамга машина сотиб олдим ва онамнинг муолажа курсига пул тўладим. Бу жуда ажойиб туйғу эди”, — дейди актёр 2023 йил июль ойида Тhе Hollywood Reporter нашрига.
Киллиан Мерфи — мусиқа плеери
Актёрнинг ҳозирги бойлиги: 20 миллион доллар
“Оппенгеймер” фильмида Деймон билан бирга рол ўйнаган Киллиан Мерфи Тhе Hollywood Reporter газетасига берган интервьюсида ўзининг биринчи қиммат хариди ҳақида гапириб берди.
“Чунки ўша пайтда пластинкалар ҳозирги плеерлардек зўр эмас эди”, — деб тушунтиради актёр.
Бред Питт — ҳашаматли мебел ва стерео тизим
Актёрнинг ҳозирги бойлиги: 400 миллион доллар
2012 йилда АD нашрига берган интервьюсида актёр ўзининг биринчи катта маошига Craftsman бренди стулини ва архитектор Франк Ллойд Райтнинг стол лампасини сотиб олганини айтади. Иккинчи гонорарига у стерео тизим сотиб олади.
Бугунги кунда Ллойд Райт лампаларининг нархи 2750 долларга тенг. Craftsman стулларини эса 1450-1695 долларга сотиб олиш мумкин.
Никол Кидман — ота-онасига кир ювиш машинаси ва “энг зўр” этик
Актрисанинг бойлиги: 22 миллион доллар
Актриса онаси ва дадасига кир ювиш машинасини совға қилади, кейин эса ўзига пойабзал сотиб олади. Актрисанинг сўзларига кўра, ўша этик “ҳаётида кўрган энг зўр пойабзал” эди.
Руперт Гринт — музқаймоқ сотадиган фургон
Актёрнинг ҳозирги бойлиги: 50 миллион доллар
“Менинг биринчи орзум музқаймоқ сотувчиси бўлиш эди, шунинг учун Бедфорд фургонини сотиб олганман”, — дейди Рон ролини ижро этган Гарри Поттер актёри 2014 йилда Daily Mail нашрига.
У ҳатто ана шу машинасида “Гарри Поттер” фильмининг суратга олиш майдончасига музқаймоқ олиб келган.
Женнифер Лопес — Mercedes
Хонанданинг ҳозирги бойлиги: 400 миллион доллар
Биринчи йирик шартномадан сўнг қўшиқчи Mercedes автомобилини сотиб олади, ундан олдин Жей Ло Honda ҳайдаган.
“Бу катта харид эди. Автосалонга борганимизда йиғлаб юборгандим”, деб эслайди қўшиқчи ва актриса.
Жорж Клуни — дўстининг бувиси учун телевизор
Актёрнинг ҳозирги бойлиги: 500 миллион доллар
Актёрлик карьерасининг бошида Клуни бувиси билан турадиган дўстининг квартирасида яшаган. Кўп пул топгач, дўстининг бувисини хурсанд қилишга қарор қилади ва унга пультли телевизор олиб беради.
“Мен масофадан бошқариш пульти бўлган телевизор сотиб олдим, чунки у доимо туриши ва канални ўзгартириши керак эди”, дейди актёр.
Кирстен Данст — онаси учун уй
Данст болалигиданоқ актрисалик фаолиятини бошлаган. 12 ёшида машҳурликка эришган — 1994 йилда “Вампир билан интервью” фильмида Том Круз ва Бред Питт билан рол ўйнаган.
“Мен актрисаликни жуда эрта бошлаганман, шунинг учун пулимни коллеж учун йиғардим. Кейин онамга уй сотиб олдим ”, дейди Данст 2016 йилда Тhе Hollywood Reporter нашрига берган интервьюсида.
Изоҳ (0)