“Яндекс Дзен” кино соҳасида муваффақиятга эришиш учун, албатта, ушбу йўналиш бўйича олий маълумотга эга бўлиш шарт эмаслигини ўз мисолида кўрсатиб берган актёрлар ҳақидаги маълумотлар билан бўлишди.
Том Круз
Ёшлигиданоқ актёр бўлишни орзу қилган инсонлар бор. Голливуд юлдузи Том Крузнинг режалари эса умуман бошқача бўлган. У руҳоний бўлишни хоҳлаган ва шунинг учун 14 ёшида семинарияга ўқишга кирган. Бироқ актёр Нью-Йоркда бўлганида имкониятдан фойдаланишга қарор қилди ва унинг харизмаси эътиборни жалб қилиш учун етарли бўлишига умид қилиб, турли хил кастингларга боришни бошлади.
У ўзининг биринчи катта ролини 19 ёшида, бош қаҳрамон ролини Брук Шилдс ўйнаган “Туганмас севги” драмасида ижро этди. Ўша пайтдан бошлаб Том Круз ҳеч қандай актёрлик дарсларига қатнамади, ҳатто бу соҳада махсус маълумотга ҳам эга бўлмади. Кўп йиллик тажриба унга ижодий қобилиятларини кенгайтиришга ёрдам берди.
Хоакин Феникс
Хоакин Феникс ижро этган Joker ролини томошабинлар севиб қолди ва актёр бу образи туфайли “Гладиатор” фильмида чиққандан кейин ҳам кўпроқ муҳокама қилина бошлади. Кўпчилик учун Феникснинг актёрлик соҳасида таҳсил олмагани ажабланарли эди.
Хоакин 70–80 йилларда мунозарали “Худо фарзандлари” диний ҳаракати аъзолари бўлган оилада ўсган. Унинг ота-онаси бир жойдан иккинчи жойга кўчиб юрадиган ҳипстер турмуш тарзини олиб борган. Хоакиннинг акаси Ривер актёр бўлишни истаган, бироқ унинг ўзида бундай истак йўқ эди. Бу актёр акаси туфайли “Етти ака-ука учун етти келин” сериалида эпизодик ролини олганида содир бўлди. Кейинчалик Хоакин ҳаётини актёрлик билан боғламоқчи эканлигини тушуниб етди.
Кристиан Бэйл
“Нега мен бу ишни қилмаяпман” — Кристиан Бэйл айнан шундай фикрлар билан актёрлик соҳасига кириб келди. Актёр ўзини бу соҳада синаб кўрмаслик учун ҳеч қандай сабаб кўрмади, шунинг учун бу қадамни ташлашга қарор қилди ва 12 ёшида ўзининг биринчи фильми — “Мио, менинг Миом” лойиҳасида рол ижро этди. Кристиан бу соҳа орқали пул ишлашни бошлаганида, тўхтай олмаслигини тушуниб етди, чунки у оиласига моддий ёрдам бериш имкониятига эга эди.
Актёр бир пайтлар ушбу мутахассислик бўйича таълим олиш ҳақида ўйлаганини, бироқ ҳамкасблари унга бу нарсасиз ҳам муваффақиятга эришиш мумкинлигига ишонтиришгани ҳақида сўзлаб берган.
Женнифер Лоуренс
Женнифер Лоуренс 2013 йилда “Менинг севгилим ақлдан озган” фильмидаги роли учун “Энг яхши актриса” номинациясида “Оскар”ни қўлга киритган ва замонавий кино оламида энг кўп талабга эга актрисалардан бири ҳисобланади.
Кўпчилик учун қадрли бўлган ҳайкалчани қўлга киритган актриса актёрлик маълумотига эга эмас. Бундан ташқари, у 14 ёшида мактабдаги ўқишини ташлаб кетгани учун ўрта маълумотли ҳам бўла олмади.
Лоуренснинг сўзларига кўра, у ёшлигидаёқ актёрлик соҳаси нафақат унинг келажакдаги иши, балки касби эканлигини ҳам ҳис қилган. Актриса сценарийни ўқиб кўриб, у ёки бу қаҳрамон ролини қандай ижро этиш кераклигини кўра олган. Актриса кимнингдир ёрдамига муҳтож бўлмаган.
Бироқ кичкина Женнифер учун ота-онасини уни қўйиб юборишга ва мактабдаги ўқишини ташлашга кўндириш осон эмас эди. Улар ҳатто актрисани ақлдан озган деб ўйлашди. Актриса ўз қароридан ҳеч қачон афсусланмаслигини айтган.
Шарлиз Терон
Шарлиз Терон вояга етгунга қадар кўплаб қийинчиликларни бошдан кечирган. У Жанубий Африкада, онасига тез-тез қўл кўтарадиган золим отасининг қўлида ўсган. Кунларнинг бирида унинг онаси бундай муносабатга дош бера олмаслигини тушуниб етди ва ўзини ҳимоя қилиш учун уни отиб қўяди. Бу воқеалар кичик Шарлизга таъсир қилди, аммо у кучли шахс сифатида ўсишга муваффақ бўлди. Аслида, унинг Голливудга бориши осон бўлмади.
У дастлаб АҚШга модел сифатида кўчиб ўтгандан сўнг, балерина бўлишни мақсад қилган. Бироқ унинг бу орзуси амалга ошмади ва кейин ҳаёт унга ўзини кўрсатиши учун яна бир имкониятни берди. Шундан кейин у турли фильм, лойиҳаларнинг суратга олиш жараёнларида иштирок этди.
Генри Кавилл
Генри Кавилл — Supermen ва Ведмак каби қаҳрамонларни гавдалантиргани билан танилган машҳур актёр. Кавиллнинг режаси актёр бўлиш эмас, балки Қадимги Миср тарихини ўрганишни ўз ичига олганини кам инсон билади. Бироқ бу болаликдаги орзу бўлиб қолди, актёр мактаб театри саҳнасида ўзини синаб кўрди ва унинг ўрни шу соҳада эканини тушуниб етди. Генрининг Рассел Кроу билан учрашуви унинг бу йўналишда маълумотга эга бўлмаган бўлса-да, кино саноатига кириб келишига катта туртки бўлди.
Актёрнинг сўзларига кўра, у “Гладиатор” фильмида бош ролни ижро этган актёр Кроунинг имзо чеккан суратини ҳеч қачон ёдидан чиқармайди.
“Ҳурматли Генри, минг чақиримлик йўл зўрға сезиладиган қадамдан бошланади. Рассел”, — деб ёзилган эди сурат остига.
Изоҳ (0)