Туризм қўмитаси ва унинг ҳузуридаги “Миллий PR-маркази” давлат унитар корхонасига тақдимнома киритилди. Бу ҳақда Коррупцияга қарши курашиш агентлиги ахборот хизмати хабар берди.
Унга кўра, Коррупцияга қарши курашиш агентлиги томонидан Туризм қўмитаси ҳузуридаги “Миллий PR-маркази” давлат унитар корхонаси раҳбари Д.Самандарованинг тадбиркорлик фаолияти билан шуғулланиб келаётганига оид хабар юзасидан ўрганиш ўтказилди. Ўрганиш давомида “Миллий PR-маркази” давлат унитар корхонаси раҳбари Самандарова Дилфуза Мансуровна 2023 йил 22 февралда давлат рўйхатидан ўтказилган “Аvtoimkon Trade” МЧЖда 50 фоизлик улуш билан таъсисчи экани аниқланди.
Шунингдек, Д.Самандарова ижтимоий тармоқ орқали Тошкент шаҳар марказида жойлашган тилла тақинчоқлар дўкони асосчиси эканини баён қилган ва ушбу дўконнинг ижобий хусусиятларини реклама қилган.
Агентлик томонидан юқоридаги ҳолатларни бартараф этиш бўйича 19 сентябрь куни Туризм қўмитаси ва унинг ҳузуридаги “Миллий PR-маркази” давлат унитар корхонасига тақдимнома киритилди.
Изоҳ (0)