Хоразм вилоятида иш вақтида ҳалок бўлган ходимнинг оиласига зарар пули 12 йилдан сўнг ундириб берилди. Бу ҳақда Камбағалликни қисқартириш ва бандлик вазирлиги ахборот хизмати хабар берди.
Унга кўра, иш жойидаги бахтсиз ҳодиса сабаб Хоразм вилоятидаги бир оила боқувчисиз қолган. Корхона томонидан ҳодиса қурбони бўлган ходимининг оиласига тўлаб берилиши керак бўлган зарар пуллари 12 йил давомида турли баҳоналар билан пайсалга солиниб тўланмай келинган.
Хоразм вилояти Камбағалликни қисқартириш ва бандлик бош бошқармаси Давлат меҳнат назорати инспекцияси саъй-ҳаракати билан Олий судда ҳақиқат қарор топади. Марҳумнинг оила аъзоларига 146 миллион сўмлик компенсация пуллари ундириб берилди.
Маълумот учун, корхона ва ташкилотларда меҳнат хавфсизлигига риоя қилиш, бу борада тўғри тарғибот-ташвиқот ишларини йўлга қўйиш нафақат ходим саломатлигини кафолатлайди, балки иш берувчини ҳам маъмурий ва жиноий жавобгар бўлишдан муҳофазалайди.
Изоҳ (0)