Ўзбекистонда ўзгалар парваришига муҳтож бўлган ёлғиз кексаларнинг сони 18 417 нафарга етди. Бу ҳақда Ижтимоий ҳимоя миллий агентлиги ахборот хизмати хабар берди.
Шу йилнинг бошидаги маълумотларга кўра, ўзгалар парваришига муҳтож бўлган ёлғиз кексаларнинг сони 18 417 нафарга етган. Уларни асосан ёлғизлик, саломатлик ва хавфсизлик масалалари, ҳаракатланиш чекланганлиги, кундалик уй ишларини бажаришда қийинчилик, нотўғри овқатланиш, хотира сусайиши, фирибгарлик ва суиистеъмолларга қарши заифлик, ўз-ўзини парвариш қилолмаслик ва ижтимоий ходимлар томонидан парваришлаш графигининг нотўғри шакллантириш каби муаммолари қийнаб келади.
Қайд этилишича, тизимдаги энг катта муаммолардан бири бу ёлғиз кексалар бўйича аниқ маълумотларнинг йўқлиги бўлиб қолмоқда. Турли идоралар томонидан юритиладиган маълумотлар базаси ўртасида номутаносибликлар мавжуд бўлиб, базаларга маълумотлар нотўғри киритилиши ҳолатлари ҳам учраб туради. Бугунги кунда агентлик томонидан ёлғиз кексаларнинг ҳаққоний электрон базасини шакллантириш бўйича ишлар давом эттирилмоқда.
Изоҳ (0)